൨-൪-൧. സഹേതുകാദിദുകാനി-കുസലത്തികം

൩. നസഹേതുകം നകുസലം ധമ്മം പച്ചയാ സഹേതുകോ കുസലോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.

നസഹേതുകം നഅകുസലം ധമ്മം പച്ചയാ സഹേതുകോ അകുസലോ ധമ്മോ ഉപ്പജ്ജതി ഹേതുപച്ചയാ. ഹേതുയാ ഏകം.

൪. നസഹേതുകം നഅബ്യാകതം ധമ്മം പടിച്ച അഹേതുകോ അബ്യാകതോ ധമ്മോ ഉപ്പജ്ജതി ഹേതുപച്ചയാ. നഅഹേതുകം നഅബ്യാകതം ധമ്മം പടിച്ച അഹേതുകോ അബ്യാകതോ ധമ്മോ ഉപ്പജ്ജതി ഹേതുപച്ചയാ. നസഹേതുകം നഅബ്യാകതഞ്ച നഅഹേതുകം നഅബ്യാകതഞ്ച ധമ്മം പടിച്ച അഹേതുകോ അബ്യാകതോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൫. നഹേതുസമ്പയുത്തം നകുസലം ധമ്മം പച്ചയാ….

൬. നഹേതു ചേവ നഅഹേതുകോ ച നകുസലോ ധമ്മോ ഹേതുസ്സ ചേവ സഹേതുകസ്സ ച കുസലസ്സ ധമ്മസ്സ ആരമ്മണപച്ചയേന പച്ചയോ. നഹേതു ചേവ നഅഹേതുകോ ച നകുസലോ ധമ്മോ സഹേതുകസ്സ ചേവ ന ച ഹേതുസ്സ കുസലസ്സ ധമ്മസ്സ ആരമ്മണപച്ചയേന പച്ചയോ. നഹേതു ചേവ നഅഹേതുകോ ച നകുസലോ ധമ്മോ ഹേതുസ്സ ചേവ സഹേതുകസ്സ കുസലസ്സ ച സഹേതുകസ്സ ചേവ ന ച ഹേതുസ്സ കുസലസ്സ ച ധമ്മസ്സ ആരമ്മണപച്ചയേന പച്ചയോ. തീണി.

നഅഹേതുകോ ചേവ നന ച ഹേതു നകുസലോ ധമ്മോ ഹേതുസ്സ ചേവ സഹേതുകസ്സ ച കുസലസ്സ ധമ്മസ്സ ആരമ്മണപച്ചയേന പച്ചയോ… തീണി.

നഹേതു ചേവ നഅഹേതുകോ നകുസലോ ച നഅഹേതുകോ ചേവ നനഹേതു നകുസലോ ച ധമ്മാ ഹേതുസ്സ ചേവ സഹേതുകസ്സ ച കുസലസ്സ ധമ്മസ്സ ആരമ്മണപച്ചയേന പച്ചയോ… തീണി. (സബ്ബത്ഥ നവ പഞ്ഹാ.)

൭. നഹേതു ചേവ നഅഹേതുകോ ച നഅകുസലോ ധമ്മോ ഹേതുസ്സ ചേവ സഹേതുകസ്സ ച അകുസലസ്സ ധമ്മസ്സ ആരമ്മണപച്ചയേന പച്ചയോ (സംഖിത്തം, നവ പഞ്ഹാ).

നഹേതു ചേവ നഅഹേതുകോ ച നഅബ്യാകതോ ധമ്മോ ഹേതുസ്സ ചേവ സഹേതുകസ്സ ച അബ്യാകതസ്സ ധമ്മസ്സ ആരമ്മണപച്ചയേന പച്ചയോ… തീണി. (നവ പഞ്ഹാ.)