൧-൪. ഹേതുദുക-ഉപാദിന്നത്തികം

൬൪. നഹേതു നഉപാദിന്നുപാദാനിയോ ധമ്മോ ഹേതുസ്സ ഉപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ. നഹേതു നഉപാദിന്നുപാദാനിയോ ധമ്മോ നഹേതുസ്സ ഉപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ. നഹേതു നഉപാദിന്നുപാദാനിയോ ധമ്മോ ഹേതുസ്സ ഉപാദിന്നുപാദാനിയസ്സ ച നഹേതുസ്സ ഉപാദിന്നുപാദാനിയസ്സ ച ധമ്മസ്സ ആരമ്മണപച്ചയേന പച്ചയോ. (൩)

നനഹേതു നഉപാദിന്നുപാദാനിയോ ധമ്മോ നഹേതുസ്സ ഉപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ… തീണി.

നഹേതു നഉപാദിന്നുപാദാനിയോ ച നനഹേതു നഉപാദിന്നുപാദാനിയോ ച ധമ്മാ ഹേതുസ്സ ഉപാദിന്നുപാദാനിയസ്സ ധമ്മസ്സ ആരമ്മണപച്ചയേന പച്ചയോ… തീണി. (നവ പഞ്ഹാ സംഖിത്തം.)

നഹേതും നഅനുപാദിന്നുപാദാനിയം ധമ്മം പച്ചയാ ഹേതു അനുപാദിന്നുപാദാനിയോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

നഹേതും നഅനുപാദിന്നഅനുപാദാനിയം ധമ്മം പച്ചയാ ഹേതു അനുപാദിന്നഅനുപാദാനിയോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.