൫൫-൬൮. മഹന്തരദുകാദി

൨൨. നസാരമ്മണം ധമ്മം പടിച്ച സാരമ്മണോ ധമ്മോ ഉപ്പജ്ജതി ഹേതുപച്ചയാ. നസാരമ്മണം ധമ്മം പടിച്ച അനാരമ്മണോ ധമ്മോ ഉപ്പജ്ജതി ഹേതുപച്ചയാ. നസാരമ്മണം ധമ്മം പടിച്ച സാരമ്മണോ ച അനാരമ്മണോ ച ധമ്മാ ഉപ്പജ്ജന്തി ഹേതുപച്ചയാ. തീണി.

നഅനാരമ്മണം ധമ്മം പടിച്ച അനാരമ്മണോ ധമ്മോ ഉപ്പജ്ജതി ഹേതുപച്ചയാ… തീണി.

നസാരമ്മണഞ്ച നഅനാരമ്മണഞ്ച ധമ്മം പടിച്ച സാരമ്മണോ ധമ്മോ ഉപ്പജ്ജതി ഹേതുപച്ചയാ… തീണി. ഹേതുയാ നവ.

൨൩. നചിത്തം ധമ്മം പടിച്ച ചിത്തോ ധമ്മോ ഉപ്പജ്ജതി ഹേതുപച്ചയാ. നചിത്തം ധമ്മം പടിച്ച നോചിത്തോ ധമ്മോ ഉപ്പജ്ജതി ഹേതുപച്ചയാ. നചിത്തം ധമ്മം പടിച്ച ചിത്തോ ച നോചിത്തോ ച ധമ്മാ ഉപ്പജ്ജന്തി ഹേതുപച്ചയാ. തീണി.

നനോചിത്തം ധമ്മം പടിച്ച നോചിത്തോ ധമ്മോ ഉപ്പജ്ജതി ഹേതുപച്ചയാ. ഏകം.

നചിത്തഞ്ച നനോചിത്തഞ്ച ധമ്മം പടിച്ച നോചിത്തോ ധമ്മോ ഉപ്പജ്ജതി ഹേതുപച്ചയാ. ഏകം. ഹേതുയാ പഞ്ച.

൨൪. നചേതസികം ധമ്മം പടിച്ച ചേതസികോ ധമ്മോ ഉപ്പജ്ജതി ഹേതുപച്ചയാ. നചേതസികം ധമ്മം പടിച്ച അചേതസികോ ധമ്മോ ഉപ്പജ്ജതി ഹേതുപച്ചയാ. നചേതസികം ധമ്മം പടിച്ച ചേതസികോ ച അചേതസികോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ നവ.

൨൫. നചിത്തസമ്പയുത്തം ധമ്മം പടിച്ച ചിത്തസമ്പയുത്തോ ധമ്മോ ഉപ്പജ്ജതി ഹേതുപച്ചയാ. നചിത്തസമ്പയുത്തം ധമ്മം പടിച്ച ചിത്തവിപ്പയുത്തോ ധമ്മോ ഉപ്പജ്ജതി ഹേതുപച്ചയാ. നചിത്തസമ്പയുത്തം ധമ്മം പടിച്ച ചിത്തസമ്പയുത്തോ ച ചിത്തവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. (൩)

നചിത്തവിപ്പയുത്തം ധമ്മം പടിച്ച ചിത്തവിപ്പയുത്തോ ധമ്മോ ഉപ്പജ്ജതി ഹേതുപച്ചയാ. നചിത്തവിപ്പയുത്തം ധമ്മം പടിച്ച ചിത്തസമ്പയുത്തോ ധമ്മോ ഉപ്പജ്ജതി ഹേതുപച്ചയാ. നചിത്തവിപ്പയുത്തം ധമ്മം പടിച്ച ചിത്തസമ്പയുത്തോ ച ചിത്തവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. (൩)

നചിത്തസമ്പയുത്തഞ്ച നചിത്തവിപ്പയുത്തഞ്ച ധമ്മം പടിച്ച ചിത്തസമ്പയുത്തോ ധമ്മോ ഉപ്പജ്ജതി ഹേതുപച്ചയാ… തീണി. ഹേതുയാ നവ.

൨൬. നചിത്തസംസട്ഠം ധമ്മം പടിച്ച ചിത്തസംസട്ഠോ ധമ്മോ ഉപ്പജ്ജതി ഹേതുപച്ചയാ. നചിത്തസംസട്ഠം ധമ്മം പടിച്ച ചിത്തവിസംസട്ഠോ ധമ്മോ ഉപ്പജ്ജതി ഹേതുപച്ചയാ. നചിത്തസംസട്ഠം ധമ്മം പടിച്ച ചിത്തസംസട്ഠോ ച ചിത്തവിസംസട്ഠോ ച ധമ്മാ ഉപ്പജ്ജന്തി ഹേതുപച്ചയാ… ഹേതുയാ നവ.

൨൭. നചിത്തസമുട്ഠാനം ധമ്മം പടിച്ച ചിത്തസമുട്ഠാനോ ധമ്മോ ഉപ്പജ്ജതി ഹേതുപച്ചയാ. നചിത്തസമുട്ഠാനം ധമ്മം പടിച്ച നോചിത്തസമുട്ഠാനോ ധമ്മോ ഉപ്പജ്ജതി ഹേതുപച്ചയാ. നചിത്തസമുട്ഠാനം ധമ്മം പടിച്ച ചിത്തസമുട്ഠാനോ ച നോചിത്തസമുട്ഠാനോ ച ധമ്മാ ഉപ്പജ്ജന്തി ഹേതുപച്ചയാ… ഹേതുയാ നവ.

൨൮. നചിത്തസഹഭും ധമ്മം പടിച്ച ചിത്തസഹഭൂ ധമ്മോ ഉപ്പജ്ജതി ഹേതുപച്ചയാ. നചിത്തസഹഭും ധമ്മം പടിച്ച നോചിത്തസഹഭൂ ധമ്മോ ഉപ്പജ്ജതി ഹേതുപച്ചയാ. നചിത്തസഹഭും ധമ്മം പടിച്ച ചിത്തസഹഭൂ ച നോചിത്തസഹഭൂ ച ധമ്മാ ഉപ്പജ്ജന്തി ഹേതുപച്ചയാ… ഹേതുയാ നവ.

൨൯. നചിത്താനുപരിവത്തിം ധമ്മം പടിച്ച ചിത്താനുപരിവത്തീ ധമ്മോ ഉപ്പജ്ജതി ഹേതുപച്ചയാ. നചിത്താനുപരിവത്തിം ധമ്മം പടിച്ച നോചിത്താനുപരിവത്തീ ധമ്മോ ഉപ്പജ്ജതി ഹേതുപച്ചയാ. നചിത്താനുപരിവത്തിം ധമ്മം പടിച്ച ചിത്താനുപരിവത്തീ ച നോചിത്താനുപരിവത്തീ ച ധമ്മാ ഉപ്പജ്ജന്തി ഹേതുപച്ചയാ… ഹേതുയാ നവ.

൩൦. നചിത്തസംസട്ഠസമുട്ഠാനം ധമ്മം പടിച്ച ചിത്തസംസട്ഠസമുട്ഠാനോ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

൩൧. നചിത്തസംസട്ഠസമുട്ഠാനസഹഭും ധമ്മം പടിച്ച ചിത്തസംസട്ഠസമുട്ഠാനസഹഭൂ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

൩൨. നചിത്തസംസട്ഠസമുട്ഠാനാനുപരിവത്തിം ധമ്മം പടിച്ച ചിത്തസംസട്ഠസമുട്ഠാനാനുപരിവത്തീ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

൩൩. നഅജ്ഝത്തികം ധമ്മം പടിച്ച അജ്ഝത്തികോ ധമ്മോ ഉപ്പജ്ജതി ഹേതുപച്ചയാ… തീണി.

നബാഹിരം ധമ്മം പടിച്ച ബാഹിരോ ധമ്മോ ഉപ്പജ്ജതി ഹേതുപച്ചയാ… തീണി.

നഅജ്ഝത്തികഞ്ച നബാഹിരഞ്ച ധമ്മം പടിച്ച അജ്ഝത്തികോ ധമ്മോ ഉപ്പജ്ജതി ഹേതുപച്ചയാ… തീണി. ഹേതുയാ നവ.

൩൪. നഉപാദാ ധമ്മം പടിച്ച ഉപാദാ ധമ്മോ ഉപ്പജ്ജതി ഹേതുപച്ചയാ… ഹേതുയാ പഞ്ച.

൩൫. നഉപാദിന്നം ധമ്മം പടിച്ച അനുപാദിന്നോ ധമ്മോ ഉപ്പജ്ജതി ഹേതുപച്ചയാ… ഹേതുയാ പഞ്ച.