൧-൭. പടിച്ചവാരാദി

൧൬. നദസ്സനേന പഹാതബ്ബം ധമ്മം പടിച്ച ഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ. നദസ്സനേന പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ. നദസ്സനേന പഹാതബ്ബം ധമ്മം പടിച്ച ഭാവനായ പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ ഉപ്പജ്ജന്തി ഹേതുപച്ചയാ. തീണി.

നഭാവനായ പഹാതബ്ബം ധമ്മം പടിച്ച ദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ. നഭാവനായ പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ. നഭാവനായ പഹാതബ്ബം ധമ്മം പടിച്ച ദസ്സനേന പഹാതബ്ബോ ച നേവദസ്സനേന നഭാവനായ പഹാതബ്ബോ ച ധമ്മാ ഉപ്പജ്ജന്തി ഹേതുപച്ചയാ. തീണി.

നേവദസ്സനേന നഭാവനായ പഹാതബ്ബം ധമ്മം പടിച്ച നേവദസ്സനേന നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ. നനേവദസ്സനേന നഭാവനായ പഹാതബ്ബം ധമ്മം പടിച്ച ദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ… പഞ്ച. (സംഖിത്തം.) ഹേതുയാ അട്ഠാരസ.