൫൫-൬൮-൧. മഹന്തരദുകാദി-ഹേതുദുകം

൬൩. സാരമ്മണം ഹേതും ധമ്മം പടിച്ച നസാരമ്മണോ നഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

സാരമ്മണം നഹേതും ധമ്മം പടിച്ച നഅനാരമ്മണോ നനഹേതു ധമ്മോ ഉപ്പജ്ജതി ഹേതുപച്ചയാ. അനാരമ്മണം നഹേതും ധമ്മം പടിച്ച നഅനാരമ്മണോ നനഹേതു ധമ്മോ ഉപ്പജ്ജതി ഹേതുപച്ചയാ. സാരമ്മണം നഹേതുഞ്ച അനാരമ്മണം നഹേതുഞ്ച ധമ്മം പടിച്ച നഅനാരമ്മണോ നനഹേതു ധമ്മോ ഉപ്പജ്ജതി ഹേതുപച്ചയാ. ഹേതുയാ തീണി.

൬൪. നോചിത്തം ഹേതും ധമ്മം പടിച്ച നനോചിത്തോ നഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

ചിത്തം നഹേതും ധമ്മം പടിച്ച നോചിത്തോ നനഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൬൫. ചേതസികം ഹേതും ധമ്മം പടിച്ച നചേതസികോ നഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

ചേതസികം നഹേതും ധമ്മം പടിച്ച നഅചേതസികോ നനഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൬൬. ചിത്തസമ്പയുത്തം ഹേതും ധമ്മം പടിച്ച നചിത്തസമ്പയുത്തോ നഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി. (സംഖിത്തം.)

൬൭. ചിത്തസംസട്ഠം ഹേതും ധമ്മം പടിച്ച നചിത്തസംസട്ഠോ നഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൬൮. ചിത്തസമുട്ഠാനം ഹേതും ധമ്മം പടിച്ച നോചിത്തസമുട്ഠാനോ നഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൬൯. ചിത്തസഹഭും ഹേതും ധമ്മം പടിച്ച നോചിത്തസഹഭൂ നഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൭൦. ചിത്താനുപരിവത്തിം ഹേതും ധമ്മം പടിച്ച നോചിത്താനുപരിവത്തീ നഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൭൧. ചിത്തസംസട്ഠസമുട്ഠാനം ഹേതും ധമ്മം പടിച്ച നോചിത്തസംസട്ഠസമുട്ഠാനോ നഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൭൨. ചിത്തസംസട്ഠസമുട്ഠാനസഹഭും ഹേതും ധമ്മം പടിച്ച നോചിത്തസംസട്ഠസമുട്ഠാനസഹഭൂ നഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൭൩. ചിത്തസംസട്ഠസമുട്ഠാനാനുപരിവത്തിം ഹേതും ധമ്മം പടിച്ച നോചിത്തസംസട്ഠസമുട്ഠാനാനുപരിവത്തീ നഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൭൪. ബാഹിരം ഹേതും ധമ്മം പടിച്ച നബാഹിരോ നഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

അജ്ഝത്തികം നഹേതും ധമ്മം പടിച്ച നഅജ്ഝത്തികോ നനഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൭൫. നോഉപാദാ ഹേതും ധമ്മം പടിച്ച നനോഉപാദാ നഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

ഉപാദാ നഹേതും ധമ്മം പടിച്ച നോഉപാദാ നനഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൭൬. ഉപാദിന്നം ഹേതും ധമ്മം പടിച്ച നഉപാദിന്നോ നഹേതു ധമ്മോ ഉപ്പജ്ജതി ഹേതുപച്ചയാ… തീണി.

അനുപാദിന്നം ഹേതും ധമ്മം പടിച്ച നഉപാദിന്നോ നഹേതു ധമ്മോ ഉപ്പജ്ജതി ഹേതുപച്ചയാ. ഏകം… ഹേതുയാ ചത്താരി.

ഉപാദിന്നം നഹേതും ധമ്മം പടിച്ച നഅനുപാദിന്നോ നനഹേതു ധമ്മോ ഉപ്പജ്ജതി ഹേതുപച്ചയാ. ഏകം.

അനുപാദിന്നം നഹേതും ധമ്മം പടിച്ച നഉപാദിന്നോ നനഹേതു ധമ്മോ ഉപ്പജ്ജതി ഹേതുപച്ചയാ. ഏകം… ഹേതുയാ ദ്വേ.