൧൭-൧. ആസവസാസവദുക-ഹേതുദുകം

൫൪. ആസവഞ്ചേവ സാസവഞ്ച ഹേതും ധമ്മം പടിച്ച നആസവോ ചേവ നഅനാസവോ ച നഹേതു ധമ്മോ ഉപ്പജ്ജതി ഹേതുപച്ചയാ… തീണി.

സാസവഞ്ചേവ നോ ച ആസവം ഹേതും ധമ്മം പടിച്ച നആസവോ ചേവ നഅനാസവോ ച നഹേതു ധമ്മോ ഉപ്പജ്ജതി ഹേതുപച്ചയാ… ഏകം.

ആസവഞ്ചേവ സാസവം ഹേതുഞ്ച സാസവഞ്ചേവ നോ ച ആസവം ഹേതുഞ്ച ധമ്മം പടിച്ച നആസവോ ചേവ നഅനാസവോ ച നഹേതു ധമ്മോ ഉപ്പജ്ജതി ഹേതുപച്ചയാ. ഏകം… ഹേതുയാ പഞ്ച.

ആസവഞ്ചേവ സാസവഞ്ച നഹേതും ധമ്മം പടിച്ച നഅനാസവോ ചേവ നനോആസവോ ച നനഹേതു ധമ്മോ ഉപ്പജ്ജതി ഹേതുപച്ചയാ… ഹേതുയാ പഞ്ച.