൨൨-൧൭. സനിദസ്സനത്തിക-ആസവസാസവദുകം

൧൦൪. അനിദസ്സനഅപ്പടിഘം ആസവഞ്ചേവ സാസവഞ്ച ധമ്മം പടിച്ച നഅനിദസ്സനഅപ്പടിഘോ നആസവോ ചേവ നഅനാസവോ ച ധമ്മോ ഉപ്പജ്ജതി ഹേതുപച്ചയാ. അനിദസ്സനഅപ്പടിഘം ആസവഞ്ചേവ സാസവഞ്ച ധമ്മം പടിച്ച നസനിദസ്സനസപ്പടിഘോ നആസവോ ചേവ നഅനാസവോ ച ധമ്മോ ഉപ്പജ്ജതി ഹേതുപച്ചയാ…പേ… അനിദസ്സനഅപ്പടിഘം ആസവഞ്ചേവ സാസവഞ്ച ധമ്മം പടിച്ച നസനിദസ്സനസപ്പടിഘോ നആസവോ ചേവ നഅനാസവോ ച നഅനിദസ്സനസപ്പടിഘോ നആസവോ ചേവ നഅനാസവോ ച ധമ്മാ ഉപ്പജ്ജന്തി ഹേതുപച്ചയാ… ഹേതുയാ ഛ.

അനിദസ്സനഅപ്പടിഘം സാസവഞ്ചേവ നോ ച ആസവം ധമ്മം പടിച്ച നസനിദസ്സനസപ്പടിഘോ നഅനാസവോ ചേവ നനോആസവോ ച ധമ്മോ ഉപ്പജ്ജതി ഹേതുപച്ചയാ. അനിദസ്സനഅപ്പടിഘം സാസവഞ്ചേവ നോ ച ആസവം ധമ്മം പടിച്ച നഅനിദസ്സനസപ്പടിഘോ നഅനാസവോ ചേവ നനോ ച ആസവോ ധമ്മോ ഉപ്പജ്ജതി ഹേതുപച്ചയാ. അനിദസ്സനസപ്പടിഘം സാസവഞ്ചേവ നോ ച ആസവം ധമ്മം പടിച്ച നസനിദസ്സനസപ്പടിഘോ നഅനാസവോ ചേവ നനോ ച ആസവോ നഅനിദസ്സനസപ്പടിഘോ നഅനാസവോ ചേവ നനോ ആസവോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ തീണി.