൪-൧. ഉപാദിന്നത്തിക-ഹേതുദുകം

൬൯. ഉപാദിന്നുപാദാനിയം ഹേതും ധമ്മം പടിച്ച നഉപാദിന്നുപാദാനിയോ നഹേതു ധമ്മോ ഉപ്പജ്ജതി ഹേതുപച്ചയാ. ഉപാദിന്നുപാദാനിയം ഹേതും ധമ്മം പടിച്ച നഅനുപാദിന്നുപാദാനിയോ നഹേതു ധമ്മോ ഉപ്പജ്ജതി ഹേതുപച്ചയാ. ഉപാദിന്നുപാദാനിയം ഹേതും ധമ്മം പടിച്ച നഅനുപാദിന്നഅനുപാദാനിയോ നഹേതു ധമ്മോ ഉപ്പജ്ജതി ഹേതുപച്ചയാ. ഉപാദിന്നുപാദാനിയം ഹേതും ധമ്മം പടിച്ച നഉപാദിന്നുപാദാനിയോ നഹേതു ച നഅനുപാദിന്നഅനുപാദാനിയോ നഹേതു ച ധമ്മാ ഉപ്പജ്ജന്തി ഹേതുപച്ചയാ. ഉപാദിന്നുപാദാനിയം ഹേതും ധമ്മം പടിച്ച നഅനുപാദിന്നുപാദാനിയോ നഹേതു ച നഅനുപാദിന്നഅനുപാദാനിയോ നഹേതു ച ധമ്മാ ഉപ്പജ്ജന്തി ഹേതുപച്ചയാ. പഞ്ച.

അനുപാദിന്നുപാദാനിയം ഹേതും ധമ്മം പടിച്ച നഉപാദിന്നുപാദാനിയോ നഹേതു ധമ്മോ ഉപ്പജ്ജതി ഹേതുപച്ചയാ… തീണി.

അനുപാദിന്നഅനുപാദാനിയം ഹേതും ധമ്മം പടിച്ച നഅനുപാദിന്നഅനുപാദാനിയോ നഹേതു ധമ്മോ ഉപ്പജ്ജതി ഹേതുപച്ചയാ… പഞ്ച… ഹേതുയാ തേരസ.

൭൦. ഉപാദിന്നുപാദാനിയം നഹേതും ധമ്മം പടിച്ച നഅനുപാദിന്നുപാദാനിയോ നനഹേതു ധമ്മോ ഉപ്പജ്ജതി ഹേതുപച്ചയാ… തീണി… ഹേതുയാ നവ.