൧-൮൩. കുസലത്തിക-പിട്ഠിദുകം

൪൭. അകുസലം ദസ്സനേന പഹാതബ്ബം ധമ്മം പടിച്ച നഅകുസലോ നദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ. അകുസലം ദസ്സനേന പഹാതബ്ബം ധമ്മം പടിച്ച നകുസലോ നദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ. അകുസലം ദസ്സനേന പഹാതബ്ബം ധമ്മം പടിച്ച നകുസലോ നദസ്സനേന പഹാതബ്ബോ ച നഅകുസലോ നദസ്സനേന പഹാതബ്ബോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ തീണി.

അബ്യാകതം നദസ്സനേന പഹാതബ്ബം ധമ്മം പച്ചയാ നഅബ്യാകതോ നനദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ. അബ്യാകതം നദസ്സനേന പഹാതബ്ബം ധമ്മം പച്ചയാ നകുസലോ നനദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ. അബ്യാകതം നദസ്സനേന പഹാതബ്ബം ധമ്മം പച്ചയാ നകുസലോ നനദസ്സനേന പഹാതബ്ബോ ച നഅബ്യാകതോ നനദസ്സനേന പഹാതബ്ബോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ തീണി.

൪൮. അകുസലം ഭാവനായ പഹാതബ്ബം ധമ്മം പടിച്ച നഅകുസലോ നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ. അകുസലം ഭാവനായ പഹാതബ്ബം ധമ്മം പടിച്ച നകുസലോ നഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ. അകുസലം ഭാവനായ പഹാതബ്ബം ധമ്മം പടിച്ച നകുസലോ നഭാവനായ പഹാതബ്ബോ ച നഅകുസലോ നഭാവനായ പഹാതബ്ബോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ തീണി.

അബ്യാകതം നഭാവനായ പഹാതബ്ബം ധമ്മം പച്ചയാ നഅബ്യാകതോ നനഭാവനായ പഹാതബ്ബോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൪൯. അകുസലം ദസ്സനേന പഹാതബ്ബഹേതുകം ധമ്മം പടിച്ച നഅകുസലോ നദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

അകുസലം നദസ്സനേന പഹാതബ്ബഹേതുകം ധമ്മം പടിച്ച നകുസലോ നനദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

അബ്യാകതം നദസ്സനേന പഹാതബ്ബഹേതുകം ധമ്മം പച്ചയാ നഅബ്യാകതോ നനദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൫൦. അകുസലം ഭാവനായ പഹാതബ്ബഹേതുകം ധമ്മം പടിച്ച നഅകുസലോ നഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

അകുസലം നഭാവനായ പഹാതബ്ബഹേതുകം ധമ്മം പടിച്ച നകുസലോ നനഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൫൧. കുസലം സവിതക്കം ധമ്മം പടിച്ച നകുസലോ നസവിതക്കോ ധമ്മോ ഉപ്പജ്ജതി ഹേതുപച്ചയാ… ഹേതുയാ തേരസ.

കുസലം അവിതക്കം ധമ്മം പടിച്ച നഅകുസലോ നഅവിതക്കോ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

൫൨. കുസലം സവിചാരം ധമ്മം പടിച്ച നകുസലോ നസവിചാരോ ധമ്മോ ഉപ്പജ്ജതി ഹേതുപച്ചയാ… ഹേതുയാ തേരസ.

കുസലം അവിചാരം ധമ്മം പടിച്ച നഅകുസലോ നഅവിചാരോ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

൫൩. കുസലം സപ്പീതികം ധമ്മം പടിച്ച നകുസലോ നസപ്പീതികോ ധമ്മോ ഉപ്പജ്ജതി ഹേതുപച്ചയാ… ഹേതുയാ തേരസ.

കുസലം അപ്പീതികം ധമ്മം പടിച്ച നഅകുസലോ നഅപ്പീതികോ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

൫൪. കുസലം പീതിസഹഗതം ധമ്മം പടിച്ച നകുസലോ നപീതിസഹഗതോ ധമ്മോ ഉപ്പജ്ജതി ഹേതുപച്ചയാ… ഹേതുയാ തേരസ.

കുസലം നപീതിസഹഗതം ധമ്മം പടിച്ച നഅകുസലോ നനപീതിസഹഗതോ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

൫൫. കുസലം സുഖസഹഗതം ധമ്മം പടിച്ച നകുസലോ നസുഖസഹഗതോ ധമ്മോ ഉപ്പജ്ജതി ഹേതുപച്ചയാ… ഹേതുയാ തേരസ.

കുസലം നസുഖസഹഗതം ധമ്മം പടിച്ച നഅകുസലോ നനസുഖസഹഗതോ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

൫൬. കുസലം ഉപേക്ഖാസഹഗതം ധമ്മം പടിച്ച നകുസലോ നഉപേക്ഖാസഹഗതോ ധമ്മോ ഉപ്പജ്ജതി ഹേതുപച്ചയാ… ഹേതുയാ തേരസ.

കുസലം നഉപേക്ഖാസഹഗതം ധമ്മം പടിച്ച നകുസലോ നനഉപേക്ഖാസഹഗതോ ധമ്മോ ഉപ്പജ്ജതി ഹേതുപച്ചയാ… ഹേതുയാ നവ.

൫൭. അബ്യാകതം കാമാവചരം ധമ്മം പടിച്ച നകുസലോ നകാമാവചരോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

കുസലം നകാമാവചരം ധമ്മം പടിച്ച നകുസലോ നനകാമാവചരോ ധമ്മോ ഉപ്പജ്ജതി ഹേതുപച്ചയാ… ഹേതുയാ ഛ.

൫൮. കുസലം രൂപാവചരം ധമ്മം പടിച്ച നകുസലോ നരൂപാവചരോ ധമ്മോ ഉപ്പജ്ജതി ഹേതുപച്ചയാ… ഹേതുയാ ഛ.

അബ്യാകതം നരൂപാവചരം ധമ്മം പടിച്ച നകുസലോ നനരൂപാവചരോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൫൯. കുസലം അരൂപാവചരം ധമ്മം പടിച്ച നകുസലോ നഅരൂപാവചരോ ധമ്മോ ഉപ്പജ്ജതി ഹേതുപച്ചയാ… ഹേതുയാ ഛ.

അബ്യാകതം നഅരൂപാവചരം ധമ്മം പച്ചയാ നഅബ്യാകതോ നനഅരൂപാവചരോ ധമ്മോ ഉപ്പജ്ജതി ഹേതുപച്ചയാ… ഹേതുയാ പഞ്ച.

൬൦. അബ്യാകതം പരിയാപന്നം ധമ്മം പച്ചയാ നഅബ്യാകതോ നപരിയാപന്നോ ധമ്മോ ഉപ്പജ്ജതി ഹേതുപച്ചയാ… ഹേതുയാ പഞ്ച.

കുസലം അപരിയാപന്നം ധമ്മം പടിച്ച നകുസലോ നഅപരിയാപന്നോ ധമ്മോ ഉപ്പജ്ജതി ഹേതുപച്ചയാ… ഹേതുയാ ഛ.

൬൧. കുസലം നിയ്യാനികം ധമ്മം പടിച്ച നകുസലോ നനിയ്യാനികോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

അബ്യാകതം അനിയ്യാനികം ധമ്മം പച്ചയാ നഅബ്യാകതോ നഅനിയ്യാനികോ ധമ്മോ ഉപ്പജ്ജതി ഹേതുപച്ചയാ… ഹേതുയാ തീണി.

൬൨. കുസലം നിയതം ധമ്മം പടിച്ച നകുസലോ നനിയതോ ധമ്മോ ഉപ്പജ്ജതി ഹേതുപച്ചയാ… ഹേതുയാ ഛ.

അബ്യാകതം അനിയതം ധമ്മം പച്ചയാ നഅബ്യാകതോ നഅനിയതോ ധമ്മോ ഉപ്പജ്ജതി ഹേതുപച്ചയാ… ഹേതുയാ പഞ്ച.

൬൩. അബ്യാകതം സഉത്തരം ധമ്മം പച്ചയാ നഅബ്യാകതോ നസഉത്തരോ ധമ്മോ ഉപ്പജ്ജതി ഹേതുപച്ചയാ… ഹേതുയാ പഞ്ച.

കുസലം അനുത്തരം ധമ്മം പടിച്ച നകുസലോ നഅനുത്തരോ ധമ്മോ ഉപ്പജ്ജതി ഹേതുപച്ചയാ… ഹേതുയാ ഛ.

൬൪. അകുസലം സരണം ധമ്മം പടിച്ച നഅകുസലോ നസരണോ ധമ്മോ ഉപ്പജ്ജതി ഹേതുപച്ചയാ. അകുസലം സരണം ധമ്മം പടിച്ച നകുസലോ നസരണോ ധമ്മോ ഉപ്പജ്ജതി ഹേതുപച്ചയാ. അകുസലം സരണം ധമ്മം പടിച്ച നകുസലോ നസരണോ ച നഅകുസലോ നസരണോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ തീണി.

അബ്യാകതം അരണം ധമ്മം പച്ചയാ നഅബ്യാകതോ നഅരണോ ധമ്മോ ഉപ്പജ്ജതി ഹേതുപച്ചയാ. അബ്യാകതം അരണം ധമ്മം പച്ചയാ നകുസലോ നഅരണോ ധമ്മോ ഉപ്പജ്ജതി ഹേതുപച്ചയാ. അബ്യാകതം അരണം ധമ്മം പച്ചയാ നകുസലോ നഅരണോ ച നഅബ്യാകതോ നഅരണോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ തീണി.