൧-൬൦. കുസലത്തിക-ചിത്തസമുട്ഠാനദുകം

൩൮. കുസലം ചിത്തസമുട്ഠാനം ധമ്മം പടിച്ച നഅകുസലോ നചിത്തസമുട്ഠാനോ ധമ്മോ ഉപ്പജ്ജതി ഹേതുപച്ചയാ. കുസലം ചിത്തസമുട്ഠാനം ധമ്മം പടിച്ച നഅബ്യാകതോ നചിത്തസമുട്ഠാനോ ധമ്മോ ഉപ്പജ്ജതി ഹേതുപച്ചയാ. കുസലം ചിത്തസമുട്ഠാനം ധമ്മം പടിച്ച നഅകുസലോ നചിത്തസമുട്ഠാനോ ച നഅബ്യാകതോ നചിത്തസമുട്ഠാനോ ച ധമ്മാ ഉപ്പജ്ജന്തി ഹേതുപച്ചയാ. തീണി.

അകുസലം ചിത്തസമുട്ഠാനം ധമ്മം പടിച്ച നഅകുസലോ നചിത്തസമുട്ഠാനോ ധമ്മോ ഉപ്പജ്ജതി ഹേതുപച്ചയാ. അകുസലം ചിത്തസമുട്ഠാനം ധമ്മം പടിച്ച നഅബ്യാകതോ നചിത്തസമുട്ഠാനോ ധമ്മോ ഉപ്പജ്ജതി ഹേതുപച്ചയാ. അകുസലം ചിത്തസമുട്ഠാനം ധമ്മം പടിച്ച നകുസലോ നചിത്തസമുട്ഠാനോ ച നഅബ്യാകതോ നചിത്തസമുട്ഠാനോ ച ധമ്മാ ഉപ്പജ്ജന്തി ഹേതുപച്ചയാ. തീണി.

അബ്യാകതം ചിത്തസമുട്ഠാനം ധമ്മം പടിച്ച നകുസലോ നചിത്തസമുട്ഠാനോ ധമ്മോ ഉപ്പജ്ജതി ഹേതുപച്ചയാ… തീണി. ഹേതുയാ നവ…പേ… അവിഗതേ നവ.

൩൯. കുസലം നോചിത്തസമുട്ഠാനം ധമ്മം പടിച്ച നകുസലോ നനോചിത്തസമുട്ഠാനോ ധമ്മോ ഉപ്പജ്ജതി ഹേതുപച്ചയാ… പഞ്ച.

അകുസലം നോചിത്തസമുട്ഠാനം ധമ്മം പടിച്ച നഅകുസലോ നനോചിത്തസമുട്ഠാനോ ധമ്മോ ഉപ്പജ്ജതി ഹേതുപച്ചയാ… പഞ്ച.

അബ്യാകതം നോചിത്തസമുട്ഠാനം ധമ്മം പടിച്ച നകുസലോ നനോചിത്തസമുട്ഠാനോ ധമ്മോ ഉപ്പജ്ജതി ഹേതുപച്ചയാ… തീണി. ഹേതുയാ തേരസ…പേ… അവിഗതേ തേരസ.