൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧. കുസലം ഹേതും ധമ്മം പടിച്ച നകുസലോ നഹേതു ധമ്മോ ഉപ്പജ്ജതി ഹേതുപച്ചയാ. കുസലം ഹേതും ധമ്മം പടിച്ച നഅകുസലോ നഹേതു ധമ്മോ ഉപ്പജ്ജതി ഹേതുപച്ചയാ. കുസലം ഹേതും ധമ്മം പടിച്ച നഅബ്യാകതോ നഹേതു ധമ്മോ ഉപ്പജ്ജതി ഹേതുപച്ചയാ. കുസലം ഹേതും ധമ്മം പടിച്ച നഅകുസലോ നഹേതു ച നഅബ്യാകതോ നഹേതു ച ധമ്മാ ഉപ്പജ്ജന്തി ഹേതുപച്ചയാ. കുസലം ഹേതും ധമ്മം പടിച്ച നകുസലോ നഹേതു ച നഅകുസലോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൫)

അകുസലം ഹേതും ധമ്മം പടിച്ച നഅകുസലോ നഹേതു ധമ്മോ ഉപ്പജ്ജതി ഹേതുപച്ചയാ. അകുസലം ഹേതും ധമ്മം പടിച്ച നകുസലോ നഹേതു ധമ്മോ ഉപ്പജ്ജതി ഹേതുപച്ചയാ. അകുസലം ഹേതും ധമ്മം പടിച്ച നഅബ്യാകതോ നഹേതു ധമ്മോ ഉപ്പജ്ജതി ഹേതുപച്ചയാ. അകുസലം ഹേതും ധമ്മം പടിച്ച നകുസലോ നഹേതു ച നഅബ്യാകതോ നഹേതു ച ധമ്മാ ഉപ്പജ്ജന്തി ഹേതുപച്ചയാ. അകുസലം ഹേതും ധമ്മം പടിച്ച നകുസലോ നഹേതു ച നഅകുസലോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൫)

അബ്യാകതം ഹേതും ധമ്മം പടിച്ച നകുസലോ നഹേതു ധമ്മോ ഉപ്പജ്ജതി ഹേതുപച്ചയാ. അബ്യാകതം ഹേതും ധമ്മം പടിച്ച നഅകുസലോ നഹേതു ധമ്മോ ഉപ്പജ്ജതി ഹേതുപച്ചയാ. അബ്യാകതം ഹേതും ധമ്മം പടിച്ച നകുസലോ നഹേതു ച നഅകുസലോ നഹേതു ച ധമ്മാ ഉപ്പജ്ജന്തി ഹേതുപച്ചയാ. (൩) (സംഖിത്തം.)

ഹേതുയാ തേരസ, ആരമ്മണേ നവ…പേ… അവിഗതേ തേരസ.

പച്ചനീയം

നആരമ്മണപച്ചയോ

൨. കുസലം ഹേതും ധമ്മം പടിച്ച നകുസലോ നഹേതു ധമ്മോ ഉപ്പജ്ജതി നആരമ്മണപച്ചയാ. (സംഖിത്തം.)

നആരമ്മണേ നവ, നഅധിപതിയാ തേരസ…പേ… നവിപ്പയുത്തേ നവ.

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം വിത്ഥാരേതബ്ബം.)

ഹേതു-ആരമ്മണപച്ചയാ

൩. കുസലോ ഹേതു ധമ്മോ നകുസലസ്സ നഹേതുസ്സ ധമ്മസ്സ ഹേതുപച്ചയേന പച്ചയോ. കുസലോ ഹേതു ധമ്മോ നഅകുസലസ്സ നഹേതുസ്സ ധമ്മസ്സ ഹേതുപച്ചയേന പച്ചയോ. കുസലോ ഹേതു ധമ്മോ നഅബ്യാകതസ്സ നഹേതുസ്സ ധമ്മസ്സ ഹേതുപച്ചയേന പച്ചയോ. കുസലോ ഹേതു ധമ്മോ നഅകുസലസ്സ നഹേതുസ്സ ച നഅബ്യാകതസ്സ നഹേതുസ്സ ച ധമ്മസ്സ ഹേതുപച്ചയേന പച്ചയോ. കുസലോ ഹേതു ധമ്മോ നകുസലസ്സ നഹേതുസ്സ ച നഅകുസലസ്സ നഹേതുസ്സ ച ധമ്മസ്സ ഹേതുപച്ചയേന പച്ചയോ. (൫)

അകുസലോ ഹേതു ധമ്മോ നഅകുസലസ്സ നഹേതുസ്സ ധമ്മസ്സ ഹേതുപച്ചയേന പച്ചയോ… പഞ്ച.

അബ്യാകതോ ഹേതു ധമ്മോ നകുസലസ്സ നഹേതുസ്സ ധമ്മസ്സ ഹേതുപച്ചയേന പച്ചയോ… തീണി.

കുസലോ ഹേതു ധമ്മോ നകുസലസ്സ നഹേതുസ്സ ധമ്മസ്സ ആരമ്മണപച്ചയേന പച്ചയോ. (സംഖിത്തം.)

൪. ഹേതുയാ തേരസ, ആരമ്മണേ അട്ഠാരസ…പേ… അവിഗതേ തേരസ. (പഞ്ഹാവാരം വിത്ഥാരേതബ്ബം.)

൫. കുസലം നഹേതും ധമ്മം പടിച്ച നഅകുസലോ നനഹേതു ധമ്മോ ഉപ്പജ്ജതി ഹേതുപച്ചയാ. കുസലം നഹേതും ധമ്മം പടിച്ച നഅബ്യാകതോ നനഹേതു ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ നവ, ആരമ്മണേ നവ…പേ… അവിഗതേ നവ. (സബ്ബത്ഥ നവ.)