൧-൫൬. കുസലത്തിക-ചിത്തദുകം

൩൩. കുസലം ചിത്തം ധമ്മം പടിച്ച നകുസലോ നചിത്തോ ധമ്മോ ഉപ്പജ്ജതി ഹേതുപച്ചയാ. കുസലം ചിത്തം ധമ്മം പടിച്ച നഅകുസലോ നചിത്തോ ധമ്മോ ഉപ്പജ്ജതി ഹേതുപച്ചയാ. കുസലം ചിത്തം ധമ്മം പടിച്ച നഅബ്യാകതോ നചിത്തോ ധമ്മോ ഉപ്പജ്ജതി ഹേതുപച്ചയാ. കുസലം ചിത്തം ധമ്മം പടിച്ച നഅകുസലോ നചിത്തോ ച നഅബ്യാകതോ നചിത്തോ ച ധമ്മാ ഉപ്പജ്ജന്തി ഹേതുപച്ചയാ. കുസലം ചിത്തം ധമ്മം പടിച്ച നകുസലോ നചിത്തോ ച നഅകുസലോ നചിത്തോ ച ധമ്മാ ഉപ്പജ്ജന്തി ഹേതുപച്ചയാ. പഞ്ച.

അകുസലം ചിത്തം ധമ്മം പടിച്ച നഅകുസലോ നചിത്തോ ധമ്മോ ഉപ്പജ്ജതി ഹേതുപച്ചയാ. അകുസലം ചിത്തം ധമ്മം പടിച്ച നകുസലോ നചിത്തോ ധമ്മോ ഉപ്പജ്ജതി ഹേതുപച്ചയാ. അകുസലം ചിത്തം ധമ്മം പടിച്ച നഅബ്യാകതോ നചിത്തോ ധമ്മോ ഉപ്പജ്ജതി ഹേതുപച്ചയാ. അകുസലം ചിത്തം ധമ്മം പടിച്ച നകുസലോ നചിത്തോ ച നഅബ്യാകതോ നചിത്തോ ച ധമ്മാ ഉപ്പജ്ജന്തി ഹേതുപച്ചയാ. അകുസലം ചിത്തം ധമ്മം പടിച്ച നകുസലോ നചിത്തോ ച നഅകുസലോ നചിത്തോ ച ധമ്മാ ഉപ്പജ്ജന്തി ഹേതുപച്ചയാ. പഞ്ച.

അബ്യാകതം ചിത്തം ധമ്മം പടിച്ച നകുസലോ നചിത്തോ ധമ്മോ ഉപ്പജ്ജതി ഹേതുപച്ചയാ. അബ്യാകതം ചിത്തം ധമ്മം പടിച്ച നഅകുസലോ നചിത്തോ ധമ്മോ ഉപ്പജ്ജതി ഹേതുപച്ചയാ. അബ്യാകതം ചിത്തം ധമ്മം പടിച്ച നകുസലോ നചിത്തോ ച നഅകുസലോ നചിത്തോ ച ധമ്മാ ഉപ്പജ്ജന്തി ഹേതുപച്ചയാ. തീണി. ഹേതുയാ തേരസ.

൩൪. കുസലം നോചിത്തം ധമ്മം പടിച്ച നഅകുസലോ നനോചിത്തോ ധമ്മോ ഉപ്പജ്ജതി ഹേതുപച്ചയാ. കുസലം നോചിത്തം ധമ്മം പടിച്ച നഅബ്യാകതോ നനോചിത്തോ ധമ്മോ ഉപ്പജ്ജതി ഹേതുപച്ചയാ. കുസലം നോചിത്തം ധമ്മം പടിച്ച നഅകുസലോ നനോചിത്തോ ച നഅബ്യാകതോ നനോചിത്തോ ച ധമ്മാ ഉപ്പജ്ജന്തി ഹേതുപച്ചയാ. തീണി.

അകുസലം നോചിത്തം ധമ്മം പടിച്ച നകുസലോ നനോചിത്തോ ധമ്മോ ഉപ്പജ്ജതി ഹേതുപച്ചയാ. അകുസലം നോചിത്തം ധമ്മം പടിച്ച നഅബ്യാകതോ നനോചിത്തോ ധമ്മോ ഉപ്പജ്ജതി ഹേതുപച്ചയാ. അകുസലം നോചിത്തം ധമ്മം പടിച്ച നകുസലോ നനോചിത്തോ ച നഅബ്യാകതോ നനോചിത്തോ ച ധമ്മാ ഉപ്പജ്ജന്തി ഹേതുപച്ചയാ. തീണി.

അബ്യാകതാനി തീണി. ഹേതുയാ നവ.