൧-൧൪-൧൯. കുസലത്തിക-ആസവഗോച്ഛകം

൨൪. അകുസലം ആസവം ധമ്മം പടിച്ച നഅകുസലോ നആസവോ ധമ്മോ…പേ… നകുസലോ നആസവോ ധമ്മോ…പേ… നഅബ്യാകതോ നആസവോ ധമ്മോ…പേ… നകുസലോ നആസവോ ച നഅബ്യാകതോ നആസവോ ച ധമ്മാ…പേ… നകുസലോ നആസവോ ച നഅകുസലോ നആസവോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ പഞ്ച, ആരമ്മണേ തീണി…പേ… അവിഗതേ പഞ്ച.

അകുസലം നോആസവം ധമ്മം പടിച്ച നകുസലോ നനോആസവോ ധമ്മോ ഉപ്പജ്ജതി ഹേതുപച്ചയാ. അകുസലം നോആസവം ധമ്മം പടിച്ച നഅബ്യാകതോ നനോആസവോ ധമ്മോ…പേ… നകുസലോ നനോആസവോ ച നഅബ്യാകതോ നനോആസവോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ തീണി…പേ… അവിഗതേ തീണി.

൨൫. അബ്യാകതം സാസവം ധമ്മം പടിച്ച…പേ… (ലോകിയദുകസദിസം).

൨൬. അകുസലം ആസവസമ്പയുത്തം ധമ്മം പടിച്ച നഅകുസലോ നആസവസമ്പയുത്തോ ധമ്മോ …പേ… നകുസലോ നആസവസമ്പയുത്തോ ധമ്മോ…പേ… നഅബ്യാകതോ നആസവസമ്പയുത്തോ ധമ്മോ…പേ… നകുസലോ നആസവസമ്പയുത്തോ ച നഅബ്യാകതോ നആസവസമ്പയുത്തോ ച ധമ്മാ…പേ… നകുസലോ നആസവസമ്പയുത്തോ ച നഅകുസലോ നആസവസമ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ പഞ്ച.

അകുസലം ആസവവിപ്പയുത്തം ധമ്മം പടിച്ച നകുസലോ നആസവവിപ്പയുത്തോ ധമ്മോ…പേ… നഅബ്യാകതോ നആസവവിപ്പയുത്തോ ധമ്മോ…പേ… നകുസലോ നആസവവിപ്പയുത്തോ ച നഅബ്യാകതോ നആസവവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ തീണി.

൨൭. അകുസലം ആസവഞ്ചേവ സാസവഞ്ച ധമ്മം പടിച്ച നഅകുസലോ നആസവോ ചേവ നഅനാസവോ ച ധമ്മോ…പേ… നകുസലോ നആസവോ ചേവ നഅനാസവോ ച ധമ്മോ…പേ… നഅബ്യാകതോ നആസവോ ചേവ നഅനാസവോ ച ധമ്മോ…പേ… നകുസലോ നആസവോ ചേവ നഅനാസവോ ച നഅബ്യാകതോ നആസവോ ചേവ നഅനാസവോ ച ധമ്മാ…പേ… നകുസലോ നആസവോ ചേവ നഅനാസവോ ച നഅകുസലോ നആസവോ ചേവ നഅനാസവോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ പഞ്ച.

അകുസലം സാസവഞ്ചേവ നോ ച ആസവം ധമ്മം പടിച്ച നഅകുസലോ നഅനാസവോ ചേവ നനോ ച ആസവോ ധമ്മോ…പേ… നഅബ്യാകതോ നഅനാസവോ ചേവ നനോ ച ആസവോ ധമ്മോ…പേ… നകുസലോ നഅനാസവോ ചേവ നനോ ച ആസവോ നഅബ്യാകതോ നഅനാസവോ ചേവ നനോ ആസവോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ തീണി.

൨൮. അകുസലം ആസവഞ്ചേവ ആസവസമ്പയുത്തഞ്ച ധമ്മം പടിച്ച നകുസലോ നആസവോ ചേവ നആസവവിപ്പയുത്തോ ച ധമ്മോ…പേ… നഅബ്യാകതോ നആസവോ ചേവ നആസവവിപ്പയുത്തോ ച ധമ്മോ…പേ… നകുസലോ നആസവോ ചേവ നആസവവിപ്പയുത്തോ ച നഅബ്യാകതോ നആസവോ ചേവ നആസവവിപ്പയുത്തോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ തീണി.

അകുസലം ആസവസമ്പയുത്തഞ്ചേവ നോ ച ആസവം ധമ്മം പടിച്ച നകുസലോ നആസവവിപ്പയുത്തോ ചേവ നനോ ച ആസവോ ധമ്മോ…പേ… നഅബ്യാകതോ നആസവവിപ്പയുത്തോ ചേവ നനോ ച ആസവോ ധമ്മോ …പേ… നകുസലോ നആസവവിപ്പയുത്തോ ചേവ നനോആസവോ ച നഅബ്യാകതോ നആസവവിപ്പയുത്തോ ചേവ നനോ ച ആസവോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ തീണി.

൨൯. അബ്യാകതം ആസവവിപ്പയുത്തം സാസവം ധമ്മം പടിച്ച…പേ… (ലോകിയദുകസദിസം).