൧-൧൨. കുസലത്തിക-ലോകിയദുകം

൨൧. അബ്യാകതം ലോകിയം ധമ്മം പച്ചയാ നഅബ്യാകതോ നലോകിയോ ധമ്മോ ഉപ്പജ്ജതി ഹേതുപച്ചയാ. അബ്യാകതം ലോകിയം ധമ്മം പച്ചയാ നകുസലോ നലോകിയോ ധമ്മോ ഉപ്പജ്ജതി ഹേതുപച്ചയാ. അബ്യാകതം ലോകിയം ധമ്മം പച്ചയാ നഅകുസലോ നലോകിയോ ധമ്മോ ഉപ്പജ്ജതി ഹേതുപച്ചയാ. അബ്യാകതം ലോകിയം ധമ്മം പച്ചയാ നഅകുസലോ നലോകിയോ ച നഅബ്യാകതോ നലോകിയോ ച ധമ്മാ ഉപ്പജ്ജന്തി ഹേതുപച്ചയാ. അബ്യാകതം ലോകിയം ധമ്മം പച്ചയാ നകുസലോ നലോകിയോ ച നഅകുസലോ നലോകിയോ ച ധമ്മാ ഉപ്പജ്ജന്തി ഹേതുപച്ചയാ. ഹേതുയാ പഞ്ച.

കുസലം ലോകുത്തരം ധമ്മം പടിച്ച നകുസലോ നലോകുത്തരോ ധമ്മോ ഉപ്പജ്ജതി ഹേതുപച്ചയാ. കുസലം ലോകുത്തരം ധമ്മം പടിച്ച നഅകുസലോ നലോകുത്തരോ ധമ്മോ ഉപ്പജ്ജതി ഹേതുപച്ചയാ. കുസലം ലോകുത്തരം ധമ്മം പടിച്ച നകുസലോ നലോകുത്തരോ ച നഅകുസലോ നലോകുത്തരോ ച ധമ്മാ ഉപ്പജ്ജന്തി ഹേതുപച്ചയാ. തീണി.

അബ്യാകതം ലോകുത്തരം ധമ്മം പടിച്ച നകുസലോ നലോകുത്തരോ ധമ്മോ ഉപ്പജ്ജതി ഹേതുപച്ചയാ. അബ്യാകതം ലോകുത്തരം ധമ്മം പടിച്ച നഅകുസലോ നലോകുത്തരോ ധമ്മോ ഉപ്പജ്ജതി ഹേതുപച്ചയാ. അബ്യാകതം ലോകുത്തരം ധമ്മം പടിച്ച നകുസലോ നലോകുത്തരോ ച നഅകുസലോ നലോകുത്തരോ ച ധമ്മാ ഉപ്പജ്ജന്തി ഹേതുപച്ചയാ. തീണി.