൧-൭. പടിച്ചവാരാദി

ഹേതുപച്ചയോ

൯൩. അനുപാദിന്നുപാദാനിയം കുസലം ധമ്മം പടിച്ച അനുപാദിന്നുപാദാനിയോ കുസലോ ധമ്മോ ഉപ്പജ്ജതി ഹേതുപച്ചയാ.

അനുപാദിന്നഅനുപാദാനിയം കുസലം ധമ്മം പടിച്ച അനുപാദിന്നഅനുപാദാനിയോ കുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ ദ്വേ. (സബ്ബത്ഥ വിത്ഥാരോ.)

അനുപാദിന്നുപാദാനിയം അകുസലം ധമ്മം പടിച്ച അനുപാദിന്നുപാദാനിയോ അകുസലോ ധമ്മോ ഉപ്പജ്ജതി ഹേതുപച്ചയാ. (സബ്ബത്ഥ ഏകം. സബ്ബത്ഥ വിത്ഥാരോ.)

൯൪. ഉപാദിന്നുപാദാനിയം അബ്യാകതം ധമ്മം പടിച്ച ഉപാദിന്നുപാദാനിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി. (സബ്ബത്ഥ വിത്ഥാരോ.)

അനുപാദിന്നുപാദാനിയം അബ്യാകതം ധമ്മം പടിച്ച അനുപാദിന്നുപാദാനിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

അനുപാദിന്നഅനുപാദാനിയം അബ്യാകതം ധമ്മം പടിച്ച അനുപാദിന്നഅനുപാദാനിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧)

അനുപാദിന്നുപാദാനിയം അബ്യാകതഞ്ച അനുപാദിന്നഅനുപാദാനിയം അബ്യാകതഞ്ച ധമ്മം പടിച്ച അനുപാദിന്നുപാദാനിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧)

ഉപാദിന്നുപാദാനിയം അബ്യാകതഞ്ച അനുപാദിന്നുപാദാനിയം അബ്യാകതഞ്ച ധമ്മം പടിച്ച അനുപാദിന്നുപാദാനിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ നവ. (സബ്ബത്ഥ വിത്ഥാരോ.)