൧-൭. പടിച്ചവാരാദി

പച്ചയചതുക്കം

൮൪. അബ്യാകതം അനിദസ്സനസപ്പടിഘം ധമ്മം പടിച്ച അബ്യാകതോ അനിദസ്സനസപ്പടിഘോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ ഏകം…പേ… അവിഗതേ ഏകം. (സംഖിത്തം.)

(സഹജാതവാരമ്പി…പേ… പഞ്ഹാവാരമ്പി വിത്ഥാരേതബ്ബം.)

൮൫. കുസലം അനിദസ്സനഅപ്പടിഘം ധമ്മം പടിച്ച കുസലോ അനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ. കുസലം അനിദസ്സനഅപ്പടിഘം ധമ്മം പടിച്ച അബ്യാകതോ അനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ. കുസലം അനിദസ്സനഅപ്പടിഘം ധമ്മം പടിച്ച കുസലോ അനിദസ്സനഅപ്പടിഘോ ച അബ്യാകതോ അനിദസ്സനഅപ്പടിഘോ ച ധമ്മാ ഉപ്പജ്ജന്തി ഹേതുപച്ചയാ. (൩)

അകുസലം അനിദസ്സനഅപ്പടിഘം ധമ്മം പടിച്ച അകുസലോ അനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം അനിദസ്സനഅപ്പടിഘം ധമ്മം പടിച്ച അബ്യാകതോ അനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ. (൧)

കുസലം അനിദസ്സനഅപ്പടിഘഞ്ച അബ്യാകതം അനിദസ്സനഅപ്പടിഘഞ്ച ധമ്മം പടിച്ച അബ്യാകതോ അനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം അനിദസ്സനഅപ്പടിഘഞ്ച അബ്യാകതം അനിദസ്സനഅപ്പടിഘഞ്ച ധമ്മം പടിച്ച അബ്യാകതോ അനിദസ്സനഅപ്പടിഘോ ധമ്മോ ഉപ്പജ്ജതി ഹേതുപച്ചയാ. (൧)

ഹേതുയാ നവ, ആരമ്മണേ തീണി…പേ… വിപാകേ ഏകം…പേ… അവിഗതേ നവ. (സംഖിത്തം. സഹജാതവാരമ്പി…പേ… സമ്പയുത്തവാരമ്പി പഞ്ഹാവാരമ്പി വിത്ഥാരേതബ്ബം.)

കുസലത്തികസനിദസ്സനത്തികം നിട്ഠിതം.