൧-൭. പടിച്ചവാരാദി

പച്ചയചതുക്കം

൬൩. അകുസലം മിച്ഛത്തനിയതം ധമ്മം പടിച്ച അകുസലോ മിച്ഛത്തനിയതോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ ഏകം…പേ… അവിഗതേ ഏകം. (സംഖിത്തം. സബ്ബത്ഥ വിത്ഥാരോ.)

൬൪. കുസലം സമ്മത്തനിയതം ധമ്മം പടിച്ച കുസലോ സമ്മത്തനിയതോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ ഏകം…പേ… അവിഗതേ ഏകം. (സംഖിത്തം. സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൬൫. കുസലം അനിയതം ധമ്മം പടിച്ച കുസലോ അനിയതോ ധമ്മോ ഉപ്പജ്ജതി ഹേതുപച്ചയാ. കുസലം അനിയതം ധമ്മം പടിച്ച അബ്യാകതോ അനിയതോ ധമ്മോ ഉപ്പജ്ജതി ഹേതുപച്ചയാ. കുസലം അനിയതം ധമ്മം പടിച്ച കുസലോ അനിയതോ ച അബ്യാകതോ അനിയതോ ച ധമ്മാ ഉപ്പജ്ജന്തി ഹേതുപച്ചയാ. (൩)

അകുസലം അനിയതം ധമ്മം പടിച്ച അകുസലോ അനിയതോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം അനിയതം ധമ്മം പടിച്ച അബ്യാകതോ അനിയതോ ധമ്മോ ഉപ്പജ്ജതി ഹേതുപച്ചയാ. (൧)

കുസലം അനിയതഞ്ച അബ്യാകതം അനിയതഞ്ച ധമ്മം പടിച്ച അബ്യാകതോ അനിയതോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം അനിയതഞ്ച അബ്യാകതം അനിയതഞ്ച ധമ്മം പടിച്ച അബ്യാകതോ അനിയതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ നവ, ആരമ്മണേ തീണി, അവിഗതേ നവ. (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൬൬. കുസലോ അനിയതോ ധമ്മോ കുസലസ്സ അനിയതസ്സ ധമ്മസ്സ ഹേതുപച്ചയേന പച്ചയോ… തീണി.

അകുസലോ അനിയതോ ധമ്മോ അകുസലസ്സ അനിയതസ്സ ധമ്മസ്സ ഹേതുപച്ചയേന പച്ചയോ… തീണി.

അബ്യാകതോ അനിയതോ ധമ്മോ അബ്യാകതസ്സ അനിയതസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

ഹേതുയാ സത്ത, ആരമ്മണേ നവ, അവിഗതേ തേരസ. (സംഖിത്തം. യഥാ കുസലത്തികേ പഞ്ഹാവാരം ഏവം വിത്ഥാരേതബ്ബം.)