൧-൭. പടിച്ചവാരാദി

പച്ചയചതുക്കം

൫൮. അകുസലം ഹീനം ധമ്മം പടിച്ച അകുസലോ ഹീനോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ ഏകം…പേ… അവിഗതേ ഏകം. (സംഖിത്തം. സബ്ബത്ഥ വിത്ഥാരോ.)

൫൯. കുസലം മജ്ഝിമം ധമ്മം പടിച്ച കുസലോ മജ്ഝിമോ ധമ്മോ ഉപ്പജ്ജതി ഹേതുപച്ചയാ. കുസലം മജ്ഝിമം ധമ്മം പടിച്ച അബ്യാകതോ മജ്ഝിമോ ധമ്മോ ഉപ്പജ്ജതി ഹേതുപച്ചയാ. കുസലം മജ്ഝിമം ധമ്മം പടിച്ച കുസലോ മജ്ഝിമോ ച അബ്യാകതോ മജ്ഝിമോ ച ധമ്മാ ഉപ്പജ്ജന്തി ഹേതുപച്ചയാ. (൩)

അബ്യാകതം മജ്ഝിമം ധമ്മം പടിച്ച അബ്യാകതോ മജ്ഝിമോ ധമ്മോ ഉപ്പജ്ജതി ഹേതുപച്ചയാ. (൧)

കുസലം മജ്ഝിമഞ്ച അബ്യാകതം മജ്ഝിമഞ്ച ധമ്മം പടിച്ച അബ്യാകതോ മജ്ഝിമോ ധമ്മോ ഉപ്പജ്ജതി ഹേതുപച്ചയാ. (൧)

കുസലം മജ്ഝിമം ധമ്മം പടിച്ച കുസലോ മജ്ഝിമോ ധമ്മോ ഉപ്പജ്ജതി ആരമ്മണപച്ചയാ. (൧)

അബ്യാകതം മജ്ഝിമം ധമ്മം പടിച്ച അബ്യാകതോ മജ്ഝിമോ ധമ്മോ ഉപ്പജ്ജതി ആരമ്മണപച്ചയാ. (൧) (സംഖിത്തം.)

ഹേതുയാ പഞ്ച, ആരമ്മണേ ദ്വേ, അവിഗതേ പഞ്ച. (സംഖിത്തം. സഹജാതവാരമ്പി …പേ… സമ്പയുത്തവാരമ്പി പടിച്ചവാരസദിസം.)

൬൦. കുസലോ മജ്ഝിമോ ധമ്മോ കുസലസ്സ മജ്ഝിമസ്സ ധമ്മസ്സ ഹേതുപച്ചയേന പച്ചയോ… തീണി.

അബ്യാകതോ മജ്ഝിമോ ധമ്മോ അബ്യാകതസ്സ മജ്ഝിമസ്സ ധമ്മസ്സ ഹേതുപച്ചയേന പച്ചയോ. (൧)

കുസലോ മജ്ഝിമോ ധമ്മോ കുസലസ്സ മജ്ഝിമസ്സ ധമ്മസ്സ ആരമ്മണപച്ചയേന പച്ചയോ. കുസലോ മജ്ഝിമോ ധമ്മോ അബ്യാകതസ്സ മജ്ഝിമസ്സ ധമ്മസ്സ ആരമ്മണപച്ചയേന പച്ചയോ. (൨)

അബ്യാകതോ മജ്ഝിമോ ധമ്മോ അബ്യാകതസ്സ മജ്ഝിമസ്സ ധമ്മസ്സ ആരമ്മണപച്ചയേന പച്ചയോ. അബ്യാകതോ മജ്ഝിമോ ധമ്മോ കുസലസ്സ മജ്ഝിമസ്സ ധമ്മസ്സ ആരമ്മണപച്ചയേന പച്ചയോ. (൨) (സംഖിത്തം).

൬൧. ഹേതുയാ ചത്താരി, ആരമ്മണേ ചത്താരി, അവിഗതേ സത്ത.

(സംഖിത്തം. യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

പണീതപദം

ഹേതുപച്ചയോ

൬൨. കുസലം പണീതം ധമ്മം പടിച്ച കുസലോ പണീതോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം പണീതം ധമ്മം പടിച്ച അബ്യാകതോ പണീതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ ദ്വേ, അവിഗതേ ദ്വേ. (സംഖിത്തം. സഹജാതവാരേപി…പേ… പഞ്ഹാവാരേപി സബ്ബത്ഥ വിത്ഥാരോ.)