൧-൭. പടിച്ചവാരാദി

പച്ചയചതുക്കം

൫൧. കുസലം പരിത്തം ധമ്മം പടിച്ച കുസലോ പരിത്തോ ധമ്മോ ഉപ്പജ്ജതി ഹേതുപച്ചയാ. കുസലം പരിത്തം ധമ്മം പടിച്ച അബ്യാകതോ പരിത്തോ ധമ്മോ ഉപ്പജ്ജതി ഹേതുപച്ചയാ. കുസലം പരിത്തം ധമ്മം പടിച്ച കുസലോ പരിത്തോ ച അബ്യാകതോ പരിത്തോ ച ധമ്മാ ഉപ്പജ്ജന്തി ഹേതുപച്ചയാ. (൩)

അകുസലം പരിത്തം ധമ്മം പടിച്ച അകുസലോ പരിത്തോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം പരിത്തം ധമ്മം പടിച്ച അബ്യാകതോ പരിത്തോ ധമ്മോ ഉപ്പജ്ജതി ഹേതുപച്ചയാ. (൧)

കുസലം പരിത്തഞ്ച അബ്യാകതം പരിത്തഞ്ച ധമ്മം പടിച്ച അബ്യാകതോ പരിത്തോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം പരിത്തഞ്ച അബ്യാകതം പരിത്തഞ്ച ധമ്മം പടിച്ച അബ്യാകതോ പരിത്തോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ നവ, ആരമ്മണേ തീണി, അവിഗതേ നവ. (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൫൨. കുസലോ പരിത്തോ ധമ്മോ കുസലസ്സ പരിത്തസ്സ ധമ്മസ്സ ഹേതുപച്ചയേന പച്ചയോ… തീണി.

അകുസലോ പരിത്തോ ധമ്മോ അകുസലസ്സ പരിത്തസ്സ ധമ്മസ്സ ഹേതുപച്ചയേന പച്ചയോ… തീണി.

അബ്യാകതോ പരിത്തോ ധമ്മോ അബ്യാകതസ്സ പരിത്തസ്സ ധമ്മസ്സ ഹേതുപച്ചയേന പച്ചയോ. (൧)

കുസലോ പരിത്തോ ധമ്മോ കുസലസ്സ പരിത്തസ്സ ധമ്മസ്സ ആരമ്മണപച്ചയേന പച്ചയോ. (സംഖിത്തം.)

ഹേതുയാ സത്ത, ആരമ്മണേ നവ, അവിഗതേ തേരസ. (സംഖിത്തം. യഥാ കുസലത്തികേ പഞ്ഹാവാരം ഏവം വിത്ഥാരേതബ്ബം.)

മഹഗ്ഗതാദിപദാനി

ഹേതുപച്ചയോ

൫൩. കുസലം മഹഗ്ഗതം ധമ്മം പടിച്ച കുസലോ മഹഗ്ഗതോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം മഹഗ്ഗതം ധമ്മം പടിച്ച അബ്യാകതോ മഹഗ്ഗതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ ദ്വേ, ആരമ്മണേ ദ്വേ, അവിഗതേ ദ്വേ. (സംഖിത്തം. സഹജാതവാരേപി…പേ… പഞ്ഹാവാരേപി സബ്ബത്ഥ വിത്ഥാരോ).

൫൪. കുസലം അപ്പമാണം ധമ്മം പടിച്ച കുസലോ അപ്പമാണോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം അപ്പമാണം ധമ്മം പടിച്ച അബ്യാകതോ അപ്പമാണോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ ദ്വേ, അവിഗതേ ദ്വേ. (സംഖിത്തം. സഹജാതവാരേപി…പേ… പഞ്ഹാവാരേപി സബ്ബത്ഥ വിത്ഥാരോ.)