൧-൭. പടിച്ചവാരാദി

പച്ചയചതുക്കം

൪൭. കുസലം സേക്ഖം ധമ്മം പടിച്ച കുസലോ സേക്ഖോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം സേക്ഖം ധമ്മം പടിച്ച അബ്യാകതോ സേക്ഖോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ ദ്വേ, അവിഗതേ ദ്വേ. (സംഖിത്തം. സഹജാതവാരേപി…പേ… പഞ്ഹാവാരേപി സബ്ബത്ഥ വിത്ഥാരോ.)

൪൮. അബ്യാകതം അസേക്ഖം ധമ്മം പടിച്ച അബ്യാകതോ അസേക്ഖോ ധമ്മോ ഉപ്പജ്ജതി ഹേതുപച്ചയാ. (സംഖിത്തം.)

ഹേതുയാ ഏകം…പേ… അവിഗതേ ഏകം. (സംഖിത്തം.)

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൪൯. കുസലം നേവസേക്ഖനാസേക്ഖം ധമ്മം പടിച്ച കുസലോ നേവസേക്ഖനാസേക്ഖോ ധമ്മോ ഉപ്പജ്ജതി ഹേതുപച്ചയാ… തീണി.

അകുസലം നേവസേക്ഖനാസേക്ഖം ധമ്മം പടിച്ച അകുസലോ നേവസേക്ഖനാസേക്ഖോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം നേവസേക്ഖനാസേക്ഖം ധമ്മം പടിച്ച അബ്യാകതോ നേവസേക്ഖനാസേക്ഖോ ധമ്മോ ഉപ്പജ്ജതി ഹേതുപച്ചയാ… തീണി. (൧)

ഹേതുയാ നവ, അവിഗതേ നവ. (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൫൦. കുസലോ നേവസേക്ഖനാസേക്ഖോ ധമ്മോ കുസലസ്സ നേവസേക്ഖനാസേക്ഖസ്സ ധമ്മസ്സ ഹേതുപച്ചയേന പച്ചയോ. (സംഖിത്തം.)

ഹേതുയാ സത്ത, ആരമ്മണേ നവ, അവിഗതേ തേരസ. (സംഖിത്തം. യഥാ കുസലത്തികേ പഞ്ഹാവാരം ഏവം വിത്ഥാരേതബ്ബം.)