൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൨൩. നീവരണിയഞ്ചേവ നോ ച നീവരണം കുസലം ധമ്മം പടിച്ച നീവരണിയോ ചേവ നോ ച നീവരണോ കുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൨൪. ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൨൫. നീവരണഞ്ചേവ നീവരണിയഞ്ച അകുസലം ധമ്മം പടിച്ച നീവരണോ ചേവ നീവരണിയോ ച അകുസലോ ധമ്മോ ഉപ്പജ്ജതി ഹേതുപച്ചയാ… തീണി.

നീവരണിയഞ്ചേവ നോ ച നീവരണം അകുസലം ധമ്മം പടിച്ച നീവരണിയോ ചേവ നോ ച നീവരണോ അകുസലോ ധമ്മോ ഉപ്പജ്ജതി ഹേതുപച്ചയാ… തീണി.

നീവരണഞ്ചേവ നീവരണിയം അകുസലഞ്ച നീവരണിയഞ്ചേവ നോ ച നീവരണം അകുസലഞ്ച ധമ്മം പടിച്ച നീവരണോ ച നീവരണിയോ ച അകുസലോ ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൨൬. ഹേതുയാ നവ, ആരമ്മണേ നവ…പേ… അവിഗതേ നവ (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ നവ.)

൨൭. നീവരണിയഞ്ചേവ നോ ച നീവരണം അബ്യാകതം ധമ്മം പടിച്ച നീവരണിയോ ചേവ നോ ച നീവരണോ അബ്യാകതോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൨൮. ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)