൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൧൧. നീവരണിയം കുസലം ധമ്മം പടിച്ച നീവരണിയോ കുസലോ ധമ്മോ ഉപ്പജ്ജതി ഹേതുപച്ചയാ. (൧)

അനീവരണിയം കുസലം ധമ്മം പടിച്ച അനീവരണിയോ കുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൧൨. ഹേതുയാ ദ്വേ, ആരമ്മണേ ദ്വേ…പേ… അവിഗതേ ദ്വേ (സംഖിത്തം).

(സഹജാതവാരോപി…പേ… പഞ്ഹാവാരോപി വിത്ഥാരേതബ്ബാ).

൧൩. നീവരണിയം അകുസലം ധമ്മം പടിച്ച നീവരണിയോ അകുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൧൪. ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൧൫. നീവരണിയം അബ്യാകതം ധമ്മം പടിച്ച നീവരണിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧)

അനീവരണിയം അബ്യാകതം ധമ്മം പടിച്ച അനീവരണിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

നീവരണിയം അബ്യാകതഞ്ച അനീവരണിയം അബ്യാകതഞ്ച ധമ്മം പടിച്ച നീവരണിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം).

൧൬. ഹേതുയാ പഞ്ച, ആരമ്മണേ ദ്വേ…പേ… ആസേവനേ ഏകം…പേ… വിപാകേ പഞ്ച…പേ… അവിഗതേ പഞ്ച (സംഖിത്തം). (സഹജാതവാരോപി…പേ… പഞ്ഹാവാരോപി വിത്ഥാരേതബ്ബാ.)