൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൩൩. ഗന്ഥഞ്ചേവ ഗന്ഥസമ്പയുത്തഞ്ച അകുസലം ധമ്മം പടിച്ച ഗന്ഥോ ചേവ ഗന്ഥസമ്പയുത്തോ ച അകുസലോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൩൪. ഹേതുയാ നവ, ആരമ്മണേ നവ…പേ… അവിഗതേ നവ (സംഖിത്തം).

നഅധിപതിയാ നവ, നപുരേജാതേ നവ, നകമ്മേ തീണി…പേ… നവിപ്പയുത്തേ നവ (സംഖിത്തം).

(സഹജാതവാരോപി…പേ… സമ്പയുത്തവാരോപി പടിച്ചവാരസദിസാ.)

൩൫. ഗന്ഥോ ചേവ ഗന്ഥസമ്പയുത്തോ ച അകുസലോ ധമ്മോ ഗന്ഥസ്സ ചേവ ഗന്ഥസമ്പയുത്തസ്സ ച അകുസലസ്സ ധമ്മസ്സ ഹേതുപച്ചയേന പച്ചയോ (സംഖിത്തം).

൩൬. ഹേതുയാ നവ, ആരമ്മണേ നവ…പേ… കമ്മേ ആഹാരേ ഇന്ദ്രിയേ ഝാനേ തീണി…പേ… അവിഗതേ നവ (സംഖിത്തം).

൩൭. നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ നവ (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)