൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൨൪. ഗന്ഥനിയഞ്ചേവ നോ ച ഗന്ഥം കുസലം ധമ്മം പടിച്ച ഗന്ഥനിയോ ചേവ നോ ച ഗന്ഥോ കുസലോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൨൫. ഹേതുയാ ഏകം, ആരമ്മണേ ഏകം, അവിഗതേ ഏകം.

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൨൬. ഗന്ഥഞ്ചേവ ഗന്ഥനിയഞ്ച അകുസലം ധമ്മം പടിച്ച ഗന്ഥോ ചേവ ഗന്ഥനിയോ ച അകുസലോ ധമ്മോ ഉപ്പജ്ജതി ഹേതുപച്ചയാ… തീണി.

ഗന്ഥനിയഞ്ചേവ നോ ച ഗന്ഥം അകുസലം ധമ്മം പടിച്ച ഗന്ഥനിയോ ചേവ നോ ച ഗന്ഥോ അകുസലോ ധമ്മോ ഉപ്പജ്ജതി ഹേതുപച്ചയാ… തീണി.

ഗന്ഥഞ്ചേവ ഗന്ഥനിയം അകുസലഞ്ച ഗന്ഥനിയഞ്ചേവ നോ ച ഗന്ഥം അകുസലഞ്ച ധമ്മം പടിച്ച ഗന്ഥോ ചേവ ഗന്ഥനിയോ ച അകുസലോ ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൨൭. ഹേതുയാ നവ, ആരമ്മണേ നവ, അധിപതിയാ നവ…പേ… അവിഗതേ നവ (സംഖിത്തം).

നഹേതുയാ ഏകം, നഅധിപതിയാ നവ…പേ… നകമ്മേ തീണി…പേ… നവിപ്പയുത്തേ നവ (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം വിത്ഥാരേതബ്ബം.)

൨൮. ഗന്ഥോ ചേവ ഗന്ഥനിയോ ച അകുസലോ ധമ്മോ ഗന്ഥസ്സ ചേവ ഗന്ഥനിയസ്സ ച അകുസലസ്സ ധമ്മസ്സ ഹേതുപച്ചയേന പച്ചയോ (സംഖിത്തം).

൨൯. ഹേതുയാ നവ, ആരമ്മണേ നവ, അധിപതിയാ നവ…പേ… കമ്മേ ആഹാരേ ഇന്ദ്രിയേ ഝാനേ തീണി…പേ… അവിഗതേ നവ (സംഖിത്തം).

൩൦. നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ നവ (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)

൩൧. ഗന്ഥനിയഞ്ചേവ നോ ച ഗന്ഥം അബ്യാകതം ധമ്മം പടിച്ച ഗന്ഥനിയോ ചേവ നോ ച ഗന്ഥോ അബ്യാകതോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൩൨. ഹേതുയാ ഏകം, ആരമ്മണേ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)