൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൩൭. സഞ്ഞോജനഞ്ചേവ സഞ്ഞോജനസമ്പയുത്തഞ്ച അകുസലം ധമ്മം പടിച്ച സഞ്ഞോജനോ ചേവ സഞ്ഞോജനസമ്പയുത്തോ ച അകുസലോ ധമ്മോ ഉപ്പജ്ജതി ഹേതുപച്ചയാ… തീണി.

സഞ്ഞോജനസമ്പയുത്തഞ്ചേവ നോ ച സഞ്ഞോജനം അകുസലം ധമ്മം പടിച്ച സഞ്ഞോജനസമ്പയുത്തോ ചേവ നോ ച സഞ്ഞോജനോ അകുസലോ ധമ്മോ ഉപ്പജ്ജതി ഹേതുപച്ചയാ… തീണി.

സഞ്ഞോജനഞ്ചേവ സഞ്ഞോജനസമ്പയുത്തം അകുസലഞ്ച സഞ്ഞോജനസമ്പയുത്തഞ്ചേവ നോ ച സഞ്ഞോജനം അകുസലഞ്ച ധമ്മം പടിച്ച സഞ്ഞോജനോ ചേവ സഞ്ഞോജനസമ്പയുത്തോ ച അകുസലോ ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൩൮. ഹേതുയാ നവ, ആരമ്മണേ നവ, അധിപതിയാ നവ…പേ… അവിഗതേ നവ (സംഖിത്തം).

നഹേതുയാ തീണി, നഅധിപതിയാ നവ, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നവിപ്പയുത്തേ നവ (സംഖിത്തം).

(സഹജാതവാരോപി… സമ്പയുത്തവാരോപി പടിച്ചവാരസദിസാ വിത്ഥാരേതബ്ബാ.)

൩൯. സഞ്ഞോജനോ ചേവ സഞ്ഞോജനസമ്പയുത്തോ ച അകുസലോ ധമ്മോ സഞ്ഞോജനസ്സ ചേവ സഞ്ഞോജനസമ്പയുത്തസ്സ ച അകുസലസ്സ ധമ്മസ്സ ഹേതുപച്ചയേന പച്ചയോ (സംഖിത്തം).

൪൦. ഹേതുയാ തീണി, ആരമ്മണേ നവ, അധിപതിയാ നവ…പേ… ഉപനിസ്സയേ ആസേവനേ നവ, കമ്മേ ആഹാരേ ഇന്ദ്രിയേ ഝാനേ തീണി, മഗ്ഗേ സമ്പയുത്തേ നവ…പേ… അവിഗതേ നവ (സംഖിത്തം).

൪൧. നഹേതുയാ നവ, നആരമ്മണേ നവ, നഅധിപതിയാ നവ (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)