൭. പഞ്ഹാവാരോ

പച്ചയചതുക്കം

ഹേതു-ആരമ്മണപച്ചയാ

൫൪. ആസവവിപ്പയുത്തോ സാസവോ അബ്യാകതോ ധമ്മോ ആസവവിപ്പയുത്തസ്സ സാസവസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ.

ആസവവിപ്പയുത്തോ അനാസവോ അബ്യാകതോ ധമ്മോ ആസവവിപ്പയുത്തസ്സ അനാസവസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ. ആസവവിപ്പയുത്തോ അനാസവോ അബ്യാകതോ ധമ്മോ ആസവവിപ്പയുത്തസ്സ സാസവസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ. ആസവവിപ്പയുത്തോ അനാസവോ അബ്യാകതോ ധമ്മോ ആസവവിപ്പയുത്തസ്സ സാസവസ്സ അബ്യാകതസ്സ ച ആസവവിപ്പയുത്തസ്സ അനാസവസ്സ അബ്യാകതസ്സ ച ധമ്മസ്സ ഹേതുപച്ചയേന പച്ചയോ. (൩)

ആസവവിപ്പയുത്തോ സാസവോ അബ്യാകതോ ധമ്മോ ആസവവിപ്പയുത്തസ്സ സാസവസ്സ അബ്യാകതസ്സ ധമ്മസ്സ ആരമ്മണപച്ചയേന പച്ചയോ. (൧)

ആസവവിപ്പയുത്തോ അനാസവോ അബ്യാകതോ ധമ്മോ ആസവവിപ്പയുത്തസ്സ അനാസവസ്സ അബ്യാകതസ്സ ധമ്മസ്സ ആരമ്മണപച്ചയേന പച്ചയോ. ആസവവിപ്പയുത്തോ അനാസവോ അബ്യാകതോ ധമ്മോ ആസവവിപ്പയുത്തസ്സ സാസവസ്സ അബ്യാകതസ്സ ധമ്മസ്സ ആരമ്മണപച്ചയേന പച്ചയോ. (൨) (സംഖിത്തം.)

൫൫. ഹേതുയാ ചത്താരി, ആരമ്മണേ തീണി, അധിപതിയാ ചത്താരി, അനന്തരേ ചത്താരി, സമനന്തരേ ചത്താരി, സഹജാതേ പഞ്ച, അഞ്ഞമഞ്ഞേ ദ്വേ, നിസ്സയേ സത്ത, ഉപനിസ്സയേ ചത്താരി, പുരേജാതേ ദ്വേ, ആസേവനേ ഏകം, കമ്മേ ചത്താരി, വിപാകേ ചത്താരി, ആഹാരേ ചത്താരി…പേ… അവിഗതേ സത്ത (സംഖിത്തം).

പച്ചനീയുദ്ധാരോ

൫൬. ആസവവിപ്പയുത്തോ സാസവോ അബ്യാകതോ ധമ്മോ ആസവവിപ്പയുത്തസ്സ സാസവസ്സ അബ്യാകതസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ (സംഖിത്തം).

൫൭. നഹേതുയാ സത്ത, നആരമ്മണേ സത്ത (സംഖിത്തം).

ഹേതുപച്ചയാ നആരമ്മണേ ചത്താരി (സംഖിത്തം).

നഹേതുപച്ചയാ ആരമ്മണേ തീണി (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)

ആസവവിപ്പയുത്തസാസവദുകകുസലത്തികം നിട്ഠിതം.

ആസവഗോച്ഛകം നിട്ഠിതം.