൨. അകുസലപദം

ഹേതുപച്ചയോ

൨൨. ആസവസമ്പയുത്തം അകുസലം ധമ്മം പടിച്ച ആസവസമ്പയുത്തോ അകുസലോ ധമ്മോ ഉപ്പജ്ജതി ഹേതുപച്ചയാ… തീണി.

ആസവവിപ്പയുത്തം അകുസലം ധമ്മം പടിച്ച ആസവസമ്പയുത്തോ അകുസലോ ധമ്മോ ഉപ്പജ്ജതി ഹേതുപച്ചയാ. (൧)

ആസവസമ്പയുത്തം അകുസലഞ്ച ആസവവിപ്പയുത്തം അകുസലഞ്ച ധമ്മം പടിച്ച ആസവസമ്പയുത്തോ അകുസലോ ധമ്മോ ഉപ്പജ്ജതി ഹേതുപച്ചയാ. (൧)

൨൩. ഹേതുയാ പഞ്ച, ആരമ്മണേ പഞ്ച…പേ… അവിഗതേ പഞ്ച (സംഖിത്തം. സഹജാതവാരേപി…പേ… സമ്പയുത്തവാരേപി സബ്ബത്ഥ പഞ്ച.)

നഹേതുയാ ഏകം, നഅധിപതിയാ പഞ്ച, നപുരേജാതേ പഞ്ച…പേ… നകമ്മേ തീണി, നവിപാകേ പഞ്ച, നവിപ്പയുത്തേ പഞ്ച (സംഖിത്തം).

൨൪. ആസവസമ്പയുത്തോ അകുസലോ ധമ്മോ ആസവസമ്പയുത്തസ്സ അകുസലസ്സ ധമ്മസ്സ ഹേതുപച്ചയേന പച്ചയോ… തീണി.

ആസവവിപ്പയുത്തോ അകുസലോ ധമ്മോ ആസവസമ്പയുത്തസ്സ അകുസലസ്സ ധമ്മസ്സ ഹേതുപച്ചയേന പച്ചയോ. (൧)

ആസവസമ്പയുത്തോ അകുസലോ ച ആസവവിപ്പയുത്തോ അകുസലോ ച ധമ്മാ ആസവസമ്പയുത്തസ്സ അകുസലസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൨൫. ഹേതുയാ പഞ്ച, ആരമ്മണേ നവ, അധിപതിയാ ഏകം, അനന്തരേ സമനന്തരേ നവ, സഹജാതേ അഞ്ഞമഞ്ഞേ നിസ്സയേ പഞ്ച, ഉപനിസ്സയേ ആസേവനേ നവ, കമ്മേ ആഹാരേ ഇന്ദ്രിയേ ഝാനേ മഗ്ഗേ തീണി, സമ്പയുത്തേ പഞ്ച…പേ… അവിഗതേ പഞ്ച (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)