൧-൭. പടിച്ചവാരാദി

പച്ചയചതുക്കം

ഹേതുപച്ചയോ

൫൦. ലോകിയം അബ്യാകതം ധമ്മം പടിച്ച ലോകിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧)

ലോകുത്തരം അബ്യാകതം ധമ്മം പടിച്ച ലോകുത്തരോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

ലോകിയം അബ്യാകതഞ്ച ലോകുത്തരം അബ്യാകതഞ്ച ധമ്മം പടിച്ച ലോകിയോ അബ്യാകതോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൫൧. ഹേതുയാ പഞ്ച, ആരമ്മണേ ദ്വേ…പേ… ആസേവനേ ഏകം, കമ്മേ പഞ്ച, വിപാകേ പഞ്ച…പേ… അവിഗതേ പഞ്ച (സംഖിത്തം, അനുലോമം).

൫൨. നഹേതുയാ ഏകം, നആരമ്മണേ തീണി, നഅധിപതിയാ ദ്വേ…പേ… നപുരേജാതേ ചത്താരി, നപച്ഛാജാതേ പഞ്ച…പേ… നകമ്മേ ഏകം, നവിപാകേ ഏകം, നആഹാരേ ഏകം…പേ… നമഗ്ഗേ ഏകം, നസമ്പയുത്തേ തീണി, നവിപ്പയുത്തേ ദ്വേ, നോനത്ഥിയാ തീണി, നോവിഗതേ തീണി (സംഖിത്തം, പച്ചനീയം).

(സഹജാതവാരോപി പച്ചയവാരോപി നിസ്സയവാരോപി സംസട്ഠവാരോപി സമ്പയുത്തവാരോപി പടിച്ചവാരസദിസാ വിത്ഥാരേതബ്ബാ.)

പച്ചയചതുക്കം

ഹേതുപച്ചയോ

൫൩. ലോകിയോ അബ്യാകതോ ധമ്മോ ലോകിയസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ. (൧)

ലോകുത്തരോ അബ്യാകതോ ധമ്മോ ലോകുത്തരസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ… തീണി (സംഖിത്തം).

൫൪. ഹേതുയാ ചത്താരി, ആരമ്മണേ തീണി, അധിപതിയാ ചത്താരി, അനന്തരേ ചത്താരി, സഹജാതേ പഞ്ച, അഞ്ഞമഞ്ഞേ ദ്വേ, നിസ്സയേ സത്ത, ഉപനിസ്സയേ ചത്താരി, പുരേജാതേ ദ്വേ, പച്ഛാജാതേ ദ്വേ, ആസേവനേ ഏകം, കമ്മേ ചത്താരി, വിപാകേ ചത്താരി, ആഹാരേ ചത്താരി…പേ… മഗ്ഗേ ചത്താരി, സമ്പയുത്തേ ദ്വേ, വിപ്പയുത്തേ തീണി, അത്ഥിയാ സത്ത…പേ… അവിഗതേ സത്ത (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)

ലോകിയദുകകുസലത്തികം നിട്ഠിതം.