൭. പഞ്ഹാവാരോ

പച്ചയചതുക്കം

ഹേതുപച്ചയാദി

൨൧. അനിദസ്സനോ അബ്യാകതോ ധമ്മോ അനിദസ്സനസ്സ അബ്യാകതസ്സ ധമ്മസ്സ ഹേതുപച്ചയേന പച്ചയോ… തീണി.

സനിദസ്സനോ അബ്യാകതോ ധമ്മോ അനിദസ്സനസ്സ അബ്യാകതസ്സ ധമ്മസ്സ ആരമ്മണപച്ചയേന പച്ചയോ. (൧)

അനിദസ്സനോ അബ്യാകതോ ധമ്മോ അനിദസ്സനസ്സ അബ്യാകതസ്സ ധമ്മസ്സ ആരമ്മണപച്ചയേന പച്ചയോ. (൧)

സനിദസ്സനോ അബ്യാകതോ ധമ്മോ അനിദസ്സനസ്സ അബ്യാകതസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി. (൧)

അനിദസ്സനോ അബ്യാകതോ ധമ്മോ അനിദസ്സനസ്സ അബ്യാകതസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. അനിദസ്സനോ അബ്യാകതോ ധമ്മോ സനിദസ്സനസ്സ അബ്യാകതസ്സ ച അനിദസ്സനസ്സ അബ്യാകതസ്സ ച ധമ്മസ്സ അധിപതിപച്ചയേന പച്ചയോ – സഹജാതാധിപതി. (൨)

സനിദസ്സനോ അബ്യാകതോ ധമ്മോ അനിദസ്സനസ്സ അബ്യാകതസ്സ ധമ്മസ്സ ഉപനിസ്സയപച്ചയേന പച്ചയോ – പകതൂപനിസ്സയോ. (൧)

അനിദസ്സനോ അബ്യാകതോ ധമ്മോ അനിദസ്സനസ്സ അബ്യാകതസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. (൧) (സംഖിത്തം.)

൨൨. പുരേജാതേ തീണി, പച്ഛാജാതേ തീണി, ആസേവനേ ഏകം, കമ്മേ തീണി, വിപാകേ തീണി, (സബ്ബത്ഥ തീണി) സമ്പയുത്തേ ഏകം, വിപ്പയുത്തേ തീണി, അത്ഥിയാ പഞ്ച, നത്ഥിയാ ഏകം…പേ… അവിഗതേ പഞ്ച. (സംഖിത്തം.)

സനിദസ്സനദുകകുസലത്തികം നിട്ഠിതം.

(അപ്പച്ചയമ്പി അസങ്ഖതമ്പി സനിദസ്സനമ്പി ന ലബ്ഭതി.)