൧-൬. പടിച്ചവാരാദി

പച്ചയചതുക്കം

ഹേതുപച്ചയോ

൧൭. സഹേതുകം അബ്യാകതം ധമ്മം പടിച്ച സഹേതുകോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

അഹേതുകം അബ്യാകതം ധമ്മം പടിച്ച അഹേതുകോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

സഹേതുകം അബ്യാകതഞ്ച അഹേതുകം അബ്യാകതഞ്ച ധമ്മം പടിച്ച സഹേതുകോ അബ്യാകതോ ധമ്മോ ഉപ്പജ്ജതി ഹേതുപച്ചയാ… തീണി.

൧൮. ഹേതുയാ നവ, ആരമ്മണേ ചത്താരി, അധിപതിയാ പഞ്ച, അനന്തരേ ചത്താരി, സമനന്തരേ ചത്താരി, സഹജാതേ നവ, അഞ്ഞമഞ്ഞേ ഛ…പേ… പുരേജാതേ ദ്വേ, ആസേവനേ ദ്വേ, കമ്മേ നവ, വിപാകേ നവ…പേ… വിപ്പയുത്തേ നവ…പേ… അവിഗതേ നവ (സംഖിത്തം).

നഹേതു-നആരമ്മണപച്ചയാ

൧൯. അഹേതുകം അബ്യാകതം ധമ്മം പടിച്ച അഹേതുകോ അബ്യാകതോ ധമ്മോ ഉപ്പജ്ജതി നഹേതുപച്ചയാ. (൧)

സഹേതുകം അബ്യാകതം ധമ്മം പടിച്ച അഹേതുകോ അബ്യാകതോ ധമ്മോ ഉപ്പജ്ജതി നആരമ്മണപച്ചയാ. (൧)

അഹേതുകം അബ്യാകതം ധമ്മം പടിച്ച അഹേതുകോ അബ്യാകതോ ധമ്മോ ഉപ്പജ്ജതി നആരമ്മണപച്ചയാ. (൧)

സഹേതുകം അബ്യാകതഞ്ച അഹേതുകം അബ്യാകതഞ്ച ധമ്മം പടിച്ച അഹേതുകോ അബ്യാകതോ ധമ്മോ ഉപ്പജ്ജതി നആരമ്മണപച്ചയാ. (൧)

സഹേതുകം അബ്യാകതം ധമ്മം പടിച്ച സഹേതുകോ അബ്യാകതോ ധമ്മോ ഉപ്പജ്ജതി നഅധിപതിപച്ചയാ (സംഖിത്തം).

൨൦. നഹേതുയാ ഏകം, നആരമ്മണേ തീണി, നഅധിപതിയാ നവ, നഅനന്തരേ തീണി, നസമനന്തരേ തീണി, നഅഞ്ഞമഞ്ഞേ തീണി, നഉപനിസ്സയേ തീണി, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ ദ്വേ, നവിപാകേ പഞ്ച, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ ഏകം, നസമ്പയുത്തേ തീണി, നവിപ്പയുത്തേ ദ്വേ, നോനത്ഥിയാ തീണി, നോവിഗതേ തീണി (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ ഏകം (സംഖിത്തം).

(സഹജാതവാരോപി പച്ചയവാരോപി നിസ്സയവാരോപി സംസട്ഠവാരോപി സമ്പയുത്തവാരോപി പടിച്ചവാരസദിസാ വിത്ഥാരേതബ്ബാ.)