൭. പഞ്ഹാവാരോ

പച്ചയചതുക്കം

ആരമ്മണപച്ചയോ

൧൦൧. നഹേതു സഹേതുകോ അബ്യാകതോ ധമ്മോ നഹേതുസ്സ സഹേതുകസ്സ അബ്യാകതസ്സ ധമ്മസ്സ ആരമ്മണപച്ചയേന പച്ചയോ (സംഖിത്തം).

൧൦൨. ആരമ്മണേ ചത്താരി, അധിപതിയാ ചത്താരി, അനന്തരേ ചത്താരി, സമനന്തരേ ചത്താരി, സഹജാതേ സത്ത, അഞ്ഞമഞ്ഞേ ഛ, നിസ്സയേ സത്ത, ഉപനിസ്സയേ ചത്താരി, പുരേജാതേ ദ്വേ, പച്ഛാജാതേ ദ്വേ, ആസേവനേ ദ്വേ, കമ്മേ ചത്താരി, വിപാകേ ചത്താരി, ആഹാരേ ചത്താരി, ഇന്ദ്രിയേ ചത്താരി, ഝാനേ ചത്താരി, മഗ്ഗേ തീണി, സമ്പയുത്തേ ദ്വേ, വിപ്പയുത്തേ തീണി, അത്ഥിയാ സത്ത, നത്ഥിയാ ചത്താരി, വിഗതേ ചത്താരി, അവിഗതേ സത്ത (സംഖിത്തം).

പച്ചനീയുദ്ധാരോ

൧൦൩. നഹേതു സഹേതുകോ അബ്യാകതോ ധമ്മോ നഹേതുസ്സ സഹേതുകസ്സ അബ്യാകതസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ (സംഖിത്തം).

൧൦൪. നഹേതുയാ സത്ത, നആരമ്മണേ സത്ത (സംഖിത്തം).

ആരമ്മണപച്ചയാ നഹേതുയാ ചത്താരി (സംഖിത്തം).

നഹേതുപച്ചയാ ആരമ്മണേ ചത്താരി (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)

നഹേതുസഹേതുകദുകകുസലത്തികം നിട്ഠിതം.

ഹേതുഗോച്ഛകം നിട്ഠിതം.