൭. പഞ്ഹാവാരോ

പച്ചയചതുക്കം

ഹേതുപച്ചയാദി

൮൯. ഹേതു ചേവ ഹേതുസമ്പയുത്തോ ച അബ്യാകതോ ധമ്മോ ഹേതുസ്സ ചേവ ഹേതുസമ്പയുത്തസ്സ ച അബ്യാകതസ്സ ധമ്മസ്സ ഹേതുപച്ചയേന പച്ചയോ (സംഖിത്തം).

൯൦. ഹേതുയാ തീണി, ആരമ്മണേ നവ, അധിപതിയാ നവ…പേ… ആസേവനേ നവ, കമ്മേ തീണി, വിപാകേ നവ, ആഹാരേ തീണി, ഇന്ദ്രിയേ നവ, ഝാനേ തീണി, മഗ്ഗേ സമ്പയുത്തേ നവ…പേ… അവിഗതേ നവ (സംഖിത്തം).

പച്ചനീയുദ്ധാരോ

൯൧. ഹേതു ചേവ ഹേതുസമ്പയുത്തോ ച അബ്യാകതോ ധമ്മോ ഹേതുസ്സ ചേവ ഹേതുസമ്പയുത്തസ്സ ച അബ്യാകതസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ (സംഖിത്തം).

൯൨. നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)

ഹേതുഹേതുസമ്പയുത്തദുകകുസലത്തികം നിട്ഠിതം.