൧-൭. പടിച്ചവാരാദി

പച്ചയചതുക്കം

൬൫. സുഖായ വേദനായ സമ്പയുത്തം സരണം ധമ്മം പടിച്ച സുഖായ വേദനായ സമ്പയുത്തോ സരണോ ധമ്മോ ഉപ്പജ്ജതി ഹേതുപച്ചയാ. (൧)

ദുക്ഖായ വേദനായ സമ്പയുത്തം സരണം ധമ്മം പടിച്ച ദുക്ഖായ വേദനായ സമ്പയുത്തോ സരണോ ധമ്മോ ഉപ്പജ്ജതി ഹേതുപച്ചയാ. (൧)

അദുക്ഖമസുഖായ വേദനായ സമ്പയുത്തം സരണം ധമ്മം പടിച്ച അദുക്ഖമസുഖായ വേദനായ സമ്പയുത്തോ സരണോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൬൬. ഹേതുയാ തീണി…പേ… അവിഗതേ തീണി (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൬൭. സുഖായ വേദനായ സമ്പയുത്തോ സരണോ ധമ്മോ സുഖായ വേദനായ സമ്പയുത്തസ്സ സരണസ്സ ധമ്മസ്സ ഹേതുപച്ചയേന പച്ചയോ. (൧)

ദുക്ഖായ വേദനായ സമ്പയുത്തോ സരണോ ധമ്മോ ദുക്ഖായ വേദനായ സമ്പയുത്തസ്സ സരണസ്സ ധമ്മസ്സ ഹേതുപച്ചയേന പച്ചയോ. (൧)

അദുക്ഖമസുഖായ വേദനായ സമ്പയുത്തോ സരണോ ധമ്മോ അദുക്ഖമസുഖായ വേദനായ സമ്പയുത്തസ്സ സരണസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൬൮. ഹേതുയാ തീണി, ആരമ്മണേ നവ…പേ… അവിഗതേ തീണി (സംഖിത്തം. യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം).

അരണപദം

ഹേതുപച്ചയോ

൬൯. സുഖായ വേദനായ സമ്പയുത്തം അരണം ധമ്മം പടിച്ച സുഖായ വേദനായ സമ്പയുത്തോ അരണോ ധമ്മോ ഉപ്പജ്ജതി ഹേതുപച്ചയാ.

അദുക്ഖമസുഖായ വേദനായ സമ്പയുത്തം അരണം ധമ്മം പടിച്ച അദുക്ഖമസുഖായ വേദനായ സമ്പയുത്തോ അരണോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ദ്വേ, ആരമ്മണേ തീണി…പേ… അവിഗതേ തീണി (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

൭൦. സുഖായ വേദനായ സമ്പയുത്തോ അരണോ ധമ്മോ സുഖായ വേദനായ സമ്പയുത്തസ്സ അരണസ്സ ധമ്മസ്സ ഹേതുപച്ചയേന പച്ചയോ. (൧)

അദുക്ഖമസുഖായ വേദനായ സമ്പയുത്തോ അരണോ ധമ്മോ അദുക്ഖമസുഖായ വേദനായ സമ്പയുത്തസ്സ അരണസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൭൧. ഹേതുയാ ദ്വേ, ആരമ്മണേ ഛ…പേ… അവിഗതേ തീണി (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)