൧-൭. പടിച്ചവാരാദി

ഹേതു-ആരമ്മണപച്ചയാ

൧൨൪. അതീതാരമ്മണം സരണം ധമ്മം പടിച്ച അതീതാരമ്മണോ സരണോ ധമ്മോ ഉപ്പജ്ജതി ഹേതുപച്ചയാ. (൧)

അനാഗതാരമ്മണം സരണം ധമ്മം പടിച്ച അനാഗതാരമ്മണോ സരണോ ധമ്മോ ഉപ്പജ്ജതി ഹേതുപച്ചയാ. (൧)

പച്ചുപ്പന്നാരമ്മണം സരണം ധമ്മം പടിച്ച പച്ചുപ്പന്നാരമ്മണോ സരണോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ തീണി…പേ… അവിഗതേ തീണി (സംഖിത്തം).

(സഹജാതവാരമ്പി …പേ… പഞ്ഹാവാരമ്പി സബ്ബത്ഥ വിത്ഥാരേതബ്ബം.)

൧൨൫. അതീതാരമ്മണം അരണം ധമ്മം പടിച്ച അതീതാരമ്മണോ അരണോ ധമ്മോ ഉപ്പജ്ജതി ഹേതുപച്ചയാ. (൧)

അനാഗതാരമ്മണം അരണം ധമ്മം പടിച്ച അനാഗതാരമ്മണോ അരണോ ധമ്മോ ഉപ്പജ്ജതി ഹേതുപച്ചയാ. (൧)

പച്ചുപ്പന്നാരമ്മണം അരണം ധമ്മം പടിച്ച പച്ചുപ്പന്നാരമ്മണോ അരണോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

ഹേതുയാ തീണി…പേ… അവിഗതേ തീണി (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൧൨൬. അതീതാരമ്മണോ അരണോ ധമ്മോ അതീതാരമ്മണസ്സ അരണസ്സ ധമ്മസ്സ ഹേതുപച്ചയേന പച്ചയോ. (൧)

അനാഗതാരമ്മണോ അരണോ ധമ്മോ അനാഗതാരമ്മണസ്സ അരണസ്സ ധമ്മസ്സ ഹേതുപച്ചയേന പച്ചയോ. (൧)

പച്ചുപ്പന്നാരമ്മണോ അരണോ ധമ്മോ പച്ചുപ്പന്നാരമ്മണസ്സ അരണസ്സ ധമ്മസ്സ ഹേതുപച്ചയേന പച്ചയോ. (൧)

അതീതാരമ്മണോ അരണോ ധമ്മോ അതീതാരമ്മണസ്സ അരണസ്സ ധമ്മസ്സ ആരമ്മണപച്ചയേന പച്ചയോ. (സംഖിത്തം.)

൧൨൭. ഹേതുയാ തീണി, ആരമ്മണേ നവ…പേ… അവിഗതേ തീണി (സംഖിത്തം. യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം).