൧-൭. പടിച്ചവാരാദി

ഹേതുപച്ചയോ

൧൧൭. മഗ്ഗാരമ്മണം അരണം ധമ്മം പടിച്ച മഗ്ഗാരമ്മണോ അരണോ ധമ്മോ ഉപ്പജ്ജതി ഹേതുപച്ചയാ… തീണി.

മഗ്ഗഹേതുകം അരണം ധമ്മം പടിച്ച മഗ്ഗഹേതുകോ അരണോ ധമ്മോ ഉപ്പജ്ജതി ഹേതുപച്ചയാ… തീണി.

മഗ്ഗാധിപതിം അരണം ധമ്മം പടിച്ച മഗ്ഗാധിപതി അരണോ ധമ്മോ ഉപ്പജ്ജതി ഹേതുപച്ചയാ… പഞ്ച.

മഗ്ഗാരമ്മണം അരണഞ്ച മഗ്ഗാധിപതിം അരണഞ്ച ധമ്മം പടിച്ച മഗ്ഗാരമ്മണോ അരണോ ധമ്മോ ഉപ്പജ്ജതി ഹേതുപച്ചയാ… തീണി.

മഗ്ഗഹേതുകം അരണഞ്ച മഗ്ഗാധിപതിം അരണഞ്ച ധമ്മം പടിച്ച മഗ്ഗഹേതുകോ അരണോ ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

ഹേതുയാ സത്തരസ…പേ… അവിഗതേ സത്തരസ (സംഖിത്തം).

(സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)

൧൧൮. മഗ്ഗാരമ്മണോ അരണോ ധമ്മോ മഗ്ഗാരമ്മണസ്സ അരണസ്സ ധമ്മസ്സ ഹേതുപച്ചയേന പച്ചയോ… തീണി.

മഗ്ഗഹേതുകോ അരണോ ധമ്മോ മഗ്ഗഹേതുകസ്സ അരണസ്സ ധമ്മസ്സ ഹേതുപച്ചയേന പച്ചയോ… തീണി.

മഗ്ഗാധിപതി അരണോ ധമ്മോ മഗ്ഗാധിപതിസ്സ അരണസ്സ ധമ്മസ്സ ഹേതുപച്ചയേന പച്ചയോ… പഞ്ച.

മഗ്ഗാരമ്മണോ അരണോ ച മഗ്ഗാധിപതി അരണോ ച ധമ്മാ മഗ്ഗാരമ്മണസ്സ അരണസ്സ ധമ്മസ്സ ഹേതുപച്ചയേന പച്ചയോ… തീണി.

മഗ്ഗഹേതുകോ അരണോ ച മഗ്ഗാധിപതി അരണോ ച ധമ്മാ മഗ്ഗഹേതുകസ്സ അരണസ്സ ധമ്മസ്സ ഹേതുപച്ചയേന പച്ചയോ… തീണി (സംഖിത്തം).

൧൧൯. ഹേതുയാ സത്തരസ, ആരമ്മണേ നവ…പേ… അവിഗതേ സത്തരസ (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)