൧-൭. പടിച്ചവാരാദി

പച്ചയചതുക്കം

൬൦. അകുസലം സരണം ധമ്മം പടിച്ച അകുസലോ സരണോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ ഏകം…പേ… അവിഗതേ ഏകം (സംഖിത്തം).

(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)

൬൧. കുസലം അരണം ധമ്മം പടിച്ച കുസലോ അരണോ ധമ്മോ ഉപ്പജ്ജതി ഹേതുപച്ചയാ… തീണി.

അബ്യാകതം അരണം ധമ്മം പടിച്ച അബ്യാകതോ അരണോ ധമ്മോ ഉപ്പജ്ജതി ഹേതുപച്ചയാ. (൧)

കുസലം അരണഞ്ച അബ്യാകതം അരണഞ്ച ധമ്മം പടിച്ച അബ്യാകതോ അരണോ ധമ്മോ ഉപ്പജ്ജതി ഹേതുപച്ചയാ. (൧)

കുസലം അരണം ധമ്മം പടിച്ച കുസലോ അരണോ ധമ്മോ ഉപ്പജ്ജതി ആരമ്മണപച്ചയാ. (൧)

അബ്യാകതം അരണം ധമ്മം പടിച്ച അബ്യാകതോ അരണോ ധമ്മോ ഉപ്പജ്ജതി ആരമ്മണപച്ചയാ. (൧) (സംഖിത്തം.)

൬൨. ഹേതുയാ പഞ്ച, ആരമ്മണേ ദ്വേ…പേ… അവിഗതേ പഞ്ച (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

൬൩. കുസലോ അരണോ ധമ്മോ കുസലസ്സ അരണസ്സ ധമ്മസ്സ ഹേതുപച്ചയേന പച്ചയോ… തീണി.

അബ്യാകതോ അരണോ ധമ്മോ അബ്യാകതസ്സ അരണസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൬൪. ഹേതുയാ ചത്താരി, ആരമ്മണേ ചത്താരി…പേ… അവിഗതേ സത്ത (സംഖിത്തം).

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

കുസലത്തികപിട്ഠിദുകം നിട്ഠിതം.