൧-൭. പടിച്ചവാരാദി
ഹേതുപച്ചയോ
൧൦൩. നേവസേക്ഖനാസേക്ഖം സരണം ധമ്മം പടിച്ച നേവസേക്ഖനാസേക്ഖോ സരണോ ധമ്മോ ഉപ്പജ്ജതി ഹേതുപച്ചയാ (സംഖിത്തം).
ഹേതുയാ ഏകം…പേ… അവിഗതേ ഏകം (സംഖിത്തം).
(സഹജാതവാരേപി…പേ… പഞ്ഹാവാരേപി സബ്ബത്ഥ ഏകം.)
൧൦൪. സേക്ഖം അരണം ധമ്മം പടിച്ച സേക്ഖോ അരണോ ധമ്മോ ഉപ്പജ്ജതി ഹേതുപച്ചയാ. സേക്ഖം അരണം ധമ്മം പടിച്ച നേവസേക്ഖനാസേക്ഖോ അരണോ ധമ്മോ ഉപ്പജ്ജതി ഹേതുപച്ചയാ. സേക്ഖം അരണം ധമ്മം പടിച്ച സേക്ഖോ അരണോ ച നേവസേക്ഖനാസേക്ഖോ അരണോ ച ധമ്മാ ഉപ്പജ്ജന്തി ഹേതുപച്ചയാ. (൩)
അസേക്ഖം അരണം ധമ്മം പടിച്ച അസേക്ഖോ അരണോ ധമ്മോ ഉപ്പജ്ജതി ഹേതുപച്ചയാ… തീണി.
നേവസേക്ഖനാസേക്ഖം അരണം ധമ്മം പടിച്ച നേവസേക്ഖനാസേക്ഖോ അരണോ ധമ്മോ ഉപ്പജ്ജതി ഹേതുപച്ചയാ. (൧)
സേക്ഖം അരണഞ്ച നേവസേക്ഖനാസേക്ഖം അരണഞ്ച ധമ്മം…പേ… ഹേതുപച്ചയാ.
അസേക്ഖം അരണഞ്ച നേവസേക്ഖനാസേക്ഖം അരണഞ്ച ധമ്മം പടിച്ച നേവസേക്ഖനാസേക്ഖോ അരണോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)
൧൦൫. ഹേതുയാ നവ, ആരമ്മണേ തീണി…പേ… അവിഗതേ നവ.
(സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം.)
൧൦൬. സേക്ഖോ അരണോ ധമ്മോ സേക്ഖസ്സ അരണസ്സ ധമ്മസ്സ ഹേതുപച്ചയേന പച്ചയോ… തീണി.
അസേക്ഖോ അരണോ ധമ്മോ അസേക്ഖസ്സ അരണസ്സ ധമ്മസ്സ ഹേതുപച്ചയേന പച്ചയോ… തീണി.
നേവസേക്ഖനാസേക്ഖോ അരണോ ധമ്മോ നേവസേക്ഖനാസേക്ഖസ്സ അരണസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)
൧൦൭. ഹേതുയാ സത്ത, ആരമ്മണേ പഞ്ച, അധിപതിയാ നവ, അനന്തരേ അട്ഠ…പേ… അവിഗതേ തേരസ (സംഖിത്തം).
(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)