൧-൭. പടിച്ചവാരാദി

ഹേതു-ആരമ്മണപച്ചയാ

൧൨. കുസലം സവിതക്കം ധമ്മം പടിച്ച കുസലോ സവിതക്കോ ധമ്മോ ഉപ്പജ്ജതി ഹേതുപച്ചയാ. (൧)

അകുസലം സവിതക്കം ധമ്മം പടിച്ച അകുസലോ സവിതക്കോ ധമ്മോ ഉപ്പജ്ജതി ഹേതുപച്ചയാ. (൧)

അബ്യാകതം സവിതക്കം ധമ്മം പടിച്ച അബ്യാകതോ സവിതക്കോ ധമ്മോ ഉപ്പജ്ജതി ഹേതുപച്ചയാ. (൧) (സംഖിത്തം.)

൧൩. ഹേതുയാ തീണി, ആരമ്മണേ തീണി…പേ… അവിഗതേ തീണി (സംഖിത്തം. സഹജാതവാരമ്പി …പേ… സമ്പയുത്തവാരമ്പി പടിച്ചവാരസദിസം).

൧൪. കുസലോ സവിതക്കോ ധമ്മോ കുസലസ്സ സവിതക്കസ്സ ധമ്മസ്സ ഹേതുപച്ചയേന പച്ചയോ. (൧)

അകുസലോ സവിതക്കോ ധമ്മോ അകുസലസ്സ സവിതക്കസ്സ ധമ്മസ്സ ഹേതുപച്ചയേന പച്ചയോ. (൧)

അബ്യാകതോ സവിതക്കോ ധമ്മോ അബ്യാകതസ്സ സവിതക്കസ്സ ധമ്മസ്സ ഹേതുപച്ചയേന പച്ചയോ. (൧)

കുസലോ സവിതക്കോ ധമ്മോ കുസലസ്സ സവിതക്കസ്സ ധമ്മസ്സ ആരമ്മണപച്ചയേന പച്ചയോ… തീണി.

അകുസലോ സവിതക്കോ ധമ്മോ അകുസലസ്സ സവിതക്കസ്സ ധമ്മസ്സ ആരമ്മണപച്ചയേന പച്ചയോ… തീണി.

അബ്യാകതോ സവിതക്കോ ധമ്മോ അബ്യാകതസ്സ സവിതക്കസ്സ ധമ്മസ്സ ആരമ്മണപച്ചയേന പച്ചയോ… തീണി (സംഖിത്തം).

൧൫. ഹേതുയാ തീണി, ആരമ്മണേ നവ, അധിപതിയാ സത്ത…പേ… അവിഗതേ തീണി. (സംഖിത്തം.)

(യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം.)

അവിതക്കപദം

ഹേതുപച്ചയോ

൧൬. കുസലം അവിതക്കം ധമ്മം പടിച്ച കുസലോ അവിതക്കോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

ഹേതുയാ സത്ത, ആരമ്മണേ ദ്വേ…പേ… വിപാകേ ഏകം, അവിഗതേ സത്ത (സംഖിത്തം. സഹജാതവാരമ്പി…പേ… സമ്പയുത്തവാരമ്പി പടിച്ചവാരസദിസം).

൧൭. കുസലോ അവിതക്കോ ധമ്മോ കുസലസ്സ അവിതക്കസ്സ ധമ്മസ്സ ഹേതുപച്ചയേന പച്ചയോ… തീണി.

അബ്യാകതോ അവിതക്കോ ധമ്മോ അബ്യാകതസ്സ അവിതക്കസ്സ ധമ്മസ്സ ഹേതുപച്ചയേന പച്ചയോ. (൧) (സംഖിത്തം.)

൧൮. ഹേതുയാ ചത്താരി, ആരമ്മണേ നവ…പേ… അവിഗതേ ദസ (സംഖിത്തം. യഥാ കുസലത്തികേ പഞ്ഹാവാരം, ഏവം വിത്ഥാരേതബ്ബം).