൧. വിഭങ്ഗവാരോ

ഹേതുപച്ചയോ

൫൧. സംകിലിട്ഠോ ധമ്മോ സംകിലിട്ഠസ്സ ധമ്മസ്സ ഹേതുപച്ചയേന പച്ചയോ – സംകിലിട്ഠാ ഹേതൂ സമ്പയുത്തകാനം ഖന്ധാനം ഹേതുപച്ചയേന പച്ചയോ. (൧)

സംകിലിട്ഠോ ധമ്മോ അസംകിലിട്ഠസ്സ ധമ്മസ്സ ഹേതുപച്ചയേന പച്ചയോ – സംകിലിട്ഠാ ഹേതൂ ചിത്തസമുട്ഠാനാനം രൂപാനം ഹേതുപച്ചയേന പച്ചയോ. (൨)

സംകിലിട്ഠോ ധമ്മോ സംകിലിട്ഠസ്സ ച അസംകിലിട്ഠസ്സ ച ധമ്മസ്സ ഹേതുപച്ചയേന പച്ചയോ – സംകിലിട്ഠാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ. (൩)

അസംകിലിട്ഠോ ധമ്മോ അസംകിലിട്ഠസ്സ ധമ്മസ്സ ഹേതുപച്ചയേന പച്ചയോ – അസംകിലിട്ഠാ ഹേതൂ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം ഹേതുപച്ചയേന പച്ചയോ; പടിസന്ധിക്ഖണേ…പേ…. (൧)

ആരമ്മണപച്ചയോ

൫൨. സംകിലിട്ഠോ ധമ്മോ സംകിലിട്ഠസ്സ ധമ്മസ്സ ആരമ്മണപച്ചയേന പച്ചയോ – രാഗം അസ്സാദേതി അഭിനന്ദതി, തം ആരബ്ഭ രാഗോ ഉപ്പജ്ജതി, ദിട്ഠി ഉപ്പജ്ജതി; വിചികിച്ഛാ…പേ… ഉദ്ധച്ച…പേ… ദോമനസ്സം ഉപ്പജ്ജതി; ദിട്ഠിം അസ്സാദേതി…പേ… (കുസലത്തികസദിസം); വിചികിച്ഛം ആരബ്ഭ…പേ… ഉദ്ധച്ചം ആരബ്ഭ…പേ… ദോമനസ്സം ഉപ്പജ്ജതി; ദിട്ഠി…പേ… വിചികിച്ഛാ…പേ… ഉദ്ധച്ചം ഉപ്പജ്ജതി. (൧)

സംകിലിട്ഠോ ധമ്മോ അസംകിലിട്ഠസ്സ ധമ്മസ്സ ആരമ്മണപച്ചയേന പച്ചയോ – അരിയാ പഹീനേ കിലേസേ പച്ചവേക്ഖന്തി, വിക്ഖമ്ഭിതേ കിലേസേ…പേ… പുബ്ബേ സമുദാചിണ്ണേ…പേ… സംകിലിട്ഠേ ഖന്ധേ അനിച്ചതോ…പേ… വിപസ്സതി, ചേതോപരിയഞാണേന സംകിലിട്ഠചിത്തസമങ്ഗിസ്സ ചിത്തം ജാനാതി; സംകിലിട്ഠാ ഖന്ധാ ചേതോപരിയഞാണസ്സ, പുബ്ബേനിവാസാനുസ്സതിഞാണസ്സ, യഥാകമ്മൂപഗഞാണസ്സ, അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൨)

൫൩. അസംകിലിട്ഠോ ധമ്മോ അസംകിലിട്ഠസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഉപോസഥകമ്മം…പേ… പുബ്ബേ…പേ… ഝാനാ വുട്ഠഹിത്വാ ഝാനം പച്ചവേക്ഖതി, അരിയാ മഗ്ഗാ വുട്ഠഹിത്വാ മഗ്ഗം പച്ചവേക്ഖന്തി…പേ… ആവജ്ജനായ ആരമ്മണപച്ചയേന പച്ചയോ; ചക്ഖും…പേ… വത്ഥും അസംകിലിട്ഠേ ഖന്ധേ അനിച്ചതോ…പേ… വിപസ്സതി, ദിബ്ബേന ചക്ഖുനാ രൂപം പസ്സതി…പേ… അനാഗതംസഞാണസ്സ, ആവജ്ജനായ ആരമ്മണപച്ചയേന പച്ചയോ. (൧)

അസംകിലിട്ഠോ ധമ്മോ സംകിലിട്ഠസ്സ ധമ്മസ്സ ആരമ്മണപച്ചയേന പച്ചയോ – ദാനം…പേ… സീലം…പേ… ഝാനാ വുട്ഠഹിത്വാ…പേ… ചക്ഖും…പേ… വത്ഥും അസംകിലിട്ഠേ ഖന്ധേ അസ്സാദേതി അഭിനന്ദതി, തം ആരബ്ഭ രാഗോ…പേ… ദോമനസ്സം ഉപ്പജ്ജതി. (൨)

അധിപതിപച്ചയോ

൫൪. സംകിലിട്ഠോ ധമ്മോ സംകിലിട്ഠസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – രാഗം ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി; ദിട്ഠിം ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. സഹജാതാധിപതി – സംകിലിട്ഠാധിപതി സമ്പയുത്തകാനം ഖന്ധാനം അധിപതിപച്ചയേന പച്ചയോ. (൧)

സംകിലിട്ഠോ ധമ്മോ അസംകിലിട്ഠസ്സ ധമ്മസ്സ അധിപതിപച്ചയേന പച്ചയോ. സഹജാതാധിപതി – സംകിലിട്ഠാധിപതി ചിത്തസമുട്ഠാനാനം രൂപാനം അധിപതിപച്ചയേന പച്ചയോ. (൨)

സംകിലിട്ഠോ ധമ്മോ സംകിലിട്ഠസ്സ ച അസംകിലിട്ഠസ്സ ച ധമ്മസ്സ അധിപതിപച്ചയേന പച്ചയോ. സഹജാതാധിപതി – സംകിലിട്ഠാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൩)

൫൫. അസംകിലിട്ഠോ ധമ്മോ അസംകിലിട്ഠസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി. ആരമ്മണാധിപതി – ദാനം…പേ… സീലം…പേ… ഉപോസഥകമ്മം…പേ… പുബ്ബേ…പേ… ഝാനാ വുട്ഠഹിത്വാ ഝാനം ഗരും കത്വാ പച്ചവേക്ഖതി, അരിയാ മഗ്ഗാ വുട്ഠഹിത്വാ മഗ്ഗം ഗരും കത്വാ പച്ചവേക്ഖന്തി…പേ… നിബ്ബാനം ഫലസ്സ അധിപതിപച്ചയേന പച്ചയോ. സഹജാതാധിപതി – അസംകിലിട്ഠാധിപതി സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം അധിപതിപച്ചയേന പച്ചയോ. (൧)

അസംകിലിട്ഠോ ധമ്മോ സംകിലിട്ഠസ്സ ധമ്മസ്സ അധിപതിപച്ചയേന പച്ചയോ. ആരമ്മണാധിപതി – ദാനം…പേ… സീലം…പേ… ഉപോസഥകമ്മം…പേ… പുബ്ബേ…പേ… ഝാനാ വുട്ഠഹിത്വാ…പേ… ചക്ഖും…പേ… വത്ഥും അസംകിലിട്ഠേ ഖന്ധേ ഗരും കത്വാ അസ്സാദേതി അഭിനന്ദതി, തം ഗരും കത്വാ രാഗോ ഉപ്പജ്ജതി, ദിട്ഠി ഉപ്പജ്ജതി. (൨)

അനന്തരപച്ചയാദി

൫൬. സംകിലിട്ഠോ ധമ്മോ സംകിലിട്ഠസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ സംകിലിട്ഠാ ഖന്ധാ പച്ഛിമാനം പച്ഛിമാനം സംകിലിട്ഠാനം ഖന്ധാനം അനന്തരപച്ചയേന പച്ചയോ. (൧)

സംകിലിട്ഠോ ധമ്മോ അസംകിലിട്ഠസ്സ ധമ്മസ്സ അനന്തരപച്ചയേന പച്ചയോ – സംകിലിട്ഠാ ഖന്ധാ വുട്ഠാനസ്സ അനന്തരപച്ചയേന പച്ചയോ. (൨)

൫൭. അസംകിലിട്ഠോ ധമ്മോ അസംകിലിട്ഠസ്സ ധമ്മസ്സ അനന്തരപച്ചയേന പച്ചയോ – പുരിമാ പുരിമാ അസംകിലിട്ഠാ ഖന്ധാ പച്ഛിമാനം പച്ഛിമാനം അസംകിലിട്ഠാനം ഖന്ധാനം…പേ… ഫലസമാപത്തിയാ അനന്തരപച്ചയേന പച്ചയോ. (൧)

അസംകിലിട്ഠോ ധമ്മോ സംകിലിട്ഠസ്സ ധമ്മസ്സ അനന്തരപച്ചയേന പച്ചയോ – ആവജ്ജനാ സംകിലിട്ഠാനം ഖന്ധാനം അനന്തരപച്ചയേന പച്ചയോ. (൨)

സമനന്തരപച്ചയേന പച്ചയോ… ചത്താരി… സഹജാതപച്ചയേന പച്ചയോ… പഞ്ച… അഞ്ഞമഞ്ഞപച്ചയേന പച്ചയോ… ദ്വേ… നിസ്സയപച്ചയേന പച്ചയോ… സത്ത.

ഉപനിസ്സയപച്ചയോ

൫൮. സംകിലിട്ഠോ ധമ്മോ സംകിലിട്ഠസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – രാഗം ഉപനിസ്സായ പാണം ഹനതി…പേ… സങ്ഘം ഭിന്ദതി, ദോസം…പേ… പത്ഥനം ഉപനിസ്സായ പാണം ഹനതി…പേ… സങ്ഘം ഭിന്ദതി, രാഗോ…പേ… പത്ഥനാ രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൧)

സംകിലിട്ഠോ ധമ്മോ അസംകിലിട്ഠസ്സ ധമ്മസ്സ ഉപനിസ്സയപച്ചയേന പച്ചയോ – അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – രാഗം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, ദോസം…പേ… പത്ഥനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി, രാഗോ…പേ… പത്ഥനാ സദ്ധായ…പേ… പഞ്ഞായ കായികസ്സ സുഖസ്സ… കായികസ്സ ദുക്ഖസ്സ… മഗ്ഗസ്സ, ഫലസമാപത്തിയാ ഉപനിസ്സയപച്ചയേന പച്ചയോ. (൨)

൫൯. അസംകിലിട്ഠോ ധമ്മോ അസംകിലിട്ഠസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ ദാനം ദേതി…പേ… സമാപത്തിം ഉപ്പാദേതി; സീലം…പേ… പഞ്ഞം, കായികം സുഖം… കായികം ദുക്ഖം… ഉതും… ഭോജനം… സേനാസനം ഉപനിസ്സായ ദാനം ദേതി…പേ… സമാപത്തിം ഉപ്പാദേതി; സദ്ധാ…പേ… സേനാസനം സദ്ധായ…പേ… ഫലസമാപത്തിയാ ഉപനിസ്സയപച്ചയേന പച്ചയോ. (൧)

അസംകിലിട്ഠോ ധമ്മോ സംകിലിട്ഠസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ…പേ…. പകതൂപനിസ്സയോ – സദ്ധം ഉപനിസ്സായ മാനം ജപ്പേതി, ദിട്ഠിം ഗണ്ഹാതി; സീലം…പേ… പഞ്ഞം… കായികം സുഖം… കായികം ദുക്ഖം… ഉതും… ഭോജനം… സേനാസനം ഉപനിസ്സായ പാണം ഹനതി…പേ… സങ്ഘം ഭിന്ദതി; സദ്ധാ…പേ… സേനാസനം രാഗസ്സ…പേ… പത്ഥനായ ഉപനിസ്സയപച്ചയേന പച്ചയോ. (൨)

പുരേജാതപച്ചയോ

൬൦. അസംകിലിട്ഠോ ധമ്മോ അസംകിലിട്ഠസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം (സംഖിത്തം). അസംകിലിട്ഠോ ധമ്മോ സംകിലിട്ഠസ്സ ധമ്മസ്സ പുരേജാതപച്ചയേന പച്ചയോ – ആരമ്മണപുരേജാതം, വത്ഥുപുരേജാതം (സംഖിത്തം). (൨)

പച്ഛാജാതാസേവനപച്ചയാ

൬൧. സംകിലിട്ഠോ ധമ്മോ അസംകിലിട്ഠസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). അസംകിലിട്ഠോ ധമ്മോ അസംകിലിട്ഠസ്സ ധമ്മസ്സ പച്ഛാജാതപച്ചയേന പച്ചയോ (സംഖിത്തം). …ആസേവനപച്ചയേന പച്ചയോ… ദ്വേ.

കമ്മപച്ചയോ

൬൨. സംകിലിട്ഠോ ധമ്മോ സംകിലിട്ഠസ്സ ധമ്മസ്സ കമ്മപച്ചയേന പച്ചയോ – സംകിലിട്ഠാ ചേതനാ സമ്പയുത്തകാനം ഖന്ധാനം കമ്മപച്ചയേന പച്ചയോ. (൧)

സംകിലിട്ഠോ ധമ്മോ അസംകിലിട്ഠസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – സംകിലിട്ഠാ ചേതനാ ചിത്തസമുട്ഠാനാനം രൂപാനം കമ്മപച്ചയേന പച്ചയോ. നാനാക്ഖണികാ – സംകിലിട്ഠാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (മൂലം കാതബ്ബം.) സംകിലിട്ഠാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ. (൩)

അസംകിലിട്ഠോ ധമ്മോ അസംകിലിട്ഠസ്സ ധമ്മസ്സ കമ്മപച്ചയേന പച്ചയോ – സഹജാതാ, നാനാക്ഖണികാ. സഹജാതാ – അസംകിലിട്ഠാ ചേതനാ സമ്പയുത്തകാനം ഖന്ധാനം ചിത്തസമുട്ഠാനാനഞ്ച രൂപാനം കമ്മപച്ചയേന പച്ചയോ; പടിസന്ധിക്ഖണേ…പേ…. നാനാക്ഖണികാ – അസംകിലിട്ഠാ ചേതനാ വിപാകാനം ഖന്ധാനം കടത്താ ച രൂപാനം കമ്മപച്ചയേന പച്ചയോ. (൧)

വിപാകപച്ചയാദി

൬൩. അസംകിലിട്ഠോ ധമ്മോ അസംകിലിട്ഠസ്സ ധമ്മസ്സ വിപാകപച്ചയേന പച്ചയോ… ഏകം.

സംകിലിട്ഠോ ധമ്മോ സംകിലിട്ഠസ്സ ധമ്മസ്സ ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ… ഝാനപച്ചയേന പച്ചയോ… മഗ്ഗപച്ചയേന പച്ചയോ… സമ്പയുത്തപച്ചയേന പച്ചയോ.

വിപ്പയുത്തപച്ചയോ

൬൪. സംകിലിട്ഠോ ധമ്മോ അസംകിലിട്ഠസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പച്ഛാജാതം (സംഖിത്തം). (൧)

അസംകിലിട്ഠോ ധമ്മോ അസംകിലിട്ഠസ്സ ധമ്മസ്സ വിപ്പയുത്തപച്ചയേന പച്ചയോ – സഹജാതം, പുരേജാതം, പച്ഛാജാതം (സംഖിത്തം). (൧)

അസംകിലിട്ഠോ ധമ്മോ സംകിലിട്ഠസ്സ ധമ്മസ്സ വിപ്പയുത്തപച്ചയേന പച്ചയോ. പുരേജാതം – വത്ഥു സംകിലിട്ഠാനം ഖന്ധാനം വിപ്പയുത്തപച്ചയേന പച്ചയോ. (൨)

അത്ഥിപച്ചയാദി

൬൫. സംകിലിട്ഠോ ധമ്മോ സംകിലിട്ഠസ്സ ധമ്മസ്സ അത്ഥിപച്ചയേന പച്ചയോ … ഏകം (പടിച്ചവാരസദിസം). സംകിലിട്ഠോ ധമ്മോ അസംകിലിട്ഠസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം (സംഖിത്തം). സംകിലിട്ഠോ ധമ്മോ സംകിലിട്ഠസ്സ ച അസംകിലിട്ഠസ്സ ച ധമ്മസ്സ അത്ഥിപച്ചയേന പച്ചയോ (പടിച്ചസദിസം). (൩)

അസംകിലിട്ഠോ ധമ്മോ അസംകിലിട്ഠസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം, പച്ഛാജാതം, ആഹാരം, ഇന്ദ്രിയം (സംഖിത്തം). അസംകിലിട്ഠോ ധമ്മോ സംകിലിട്ഠസ്സ ധമ്മസ്സ അത്ഥിപച്ചയേന പച്ചയോ – പുരേജാതം (സംഖിത്തം). (൨)

൬൬. സംകിലിട്ഠോ ച അസംകിലിട്ഠോ ച ധമ്മാ സംകിലിട്ഠസ്സ ധമ്മസ്സ അത്ഥിപച്ചയേന പച്ചയോ – സഹജാതം, പുരേജാതം. സഹജാതോ – സംകിലിട്ഠോ ഏകോ ഖന്ധോ ച വത്ഥു ച തിണ്ണന്നം ഖന്ധാനം അത്ഥിപച്ചയേന പച്ചയോ…പേ… ദ്വേ ഖന്ധാ ച…പേ… (സംഖിത്തം). (൧)

സംകിലിട്ഠോ ച അസംകിലിട്ഠോ ച ധമ്മാ അസംകിലിട്ഠസ്സ ധമ്മസ്സ അത്ഥിപച്ചയേന പച്ചയോ – സഹജാതം, പച്ഛാജാതം, ആഹാരം, ഇന്ദ്രിയം. സഹജാതാ – സംകിലിട്ഠാ ഖന്ധാ ച മഹാഭൂതാ ച ചിത്തസമുട്ഠാനാനം രൂപാനം അത്ഥിപച്ചയേന പച്ചയോ. പച്ഛാജാതാ – സംകിലിട്ഠാ ഖന്ധാ ച കബളീകാരോ ആഹാരോ ച ഇമസ്സ കായസ്സ അത്ഥിപച്ചയേന പച്ചയോ. പച്ഛാജാതാ – സംകിലിട്ഠാ ഖന്ധാ ച രൂപജീവിതിന്ദ്രിയഞ്ച കടത്താരൂപാനം അത്ഥിപച്ചയേന പച്ചയോ. (൨)

നത്ഥിപച്ചയേന പച്ചയോ… വിഗതപച്ചയേന പച്ചയോ… അവിഗതപച്ചയേന പച്ചയോ.