൭. പഞ്ഹാവാരോ

പച്ചയചതുക്കം

ഹേതു-ആരമ്മണപച്ചയാ

൩൨൬. ഹേതു നേവാചയഗാമിനാപചയഗാമീ ധമ്മോ ഹേതുസ്സ നേവാചയഗാമിനാപചയഗാമിസ്സ ധമ്മസ്സ ഹേതുപച്ചയേന പച്ചയോ… തീണി.

ഹേതു നേവാചയഗാമിനാപചയഗാമീ ധമ്മോ ഹേതുസ്സ നേവാചയഗാമിനാപചയഗാമിസ്സ ധമ്മസ്സ ആരമ്മണപച്ചയേന പച്ചയോ (സംഖിത്തം).

൩൨൭. ഹേതുയാ തീണി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, പുരേജാതേ തീണി, പച്ഛാജാതേ തീണി, ആസേവനേ നവ, കമ്മേ തീണി, വിപാകേ നവ, ആഹാരേ തീണി, ഇന്ദ്രിയേ നവ, ഝാനേ തീണി, മഗ്ഗേ നവ, സമ്പയുത്തേ നവ, വിപ്പയുത്തേ പഞ്ച, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ (സംഖിത്തം).

പച്ചനീയുദ്ധാരോ

൩൨൮. ഹേതു നേവാചയഗാമിനാപചയഗാമീ ധമ്മോ ഹേതുസ്സ നേവാചയഗാമിനാപചയഗാമിസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… തീണി.

നഹേതു നേവാചയഗാമിനാപചയഗാമീ ധമ്മോ നഹേതുസ്സ നേവാചയഗാമിനാപചയഗാമിസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… പുരേജാതപച്ചയേന പച്ചയോ… പച്ഛാജാതപച്ചയേന പച്ചയോ… ആഹാരപച്ചയേന പച്ചയോ… ഇന്ദ്രിയപച്ചയേന പച്ചയോ (സംഖിത്തം).

൩൨൯. നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി നണിതം, ഏവം ഗണേതബ്ബം.)

ഹേതുദുകആചയഗാമിത്തികം നിട്ഠിതം.