൧-൬. പടിച്ചവാരാദി

പച്ചയചതുക്കം

ഹേതുപച്ചയോ

൨൯൮. ഹേതും നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച ഹേതു നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൨൯൯. ഹേതുയാ നവ, ആരമ്മണേ നവ…പേ… അവിഗതേ നവ (സംഖിത്തം).

നഹേതുപച്ചയോ

൩൦൦. നഹേതും നേവദസ്സനേന നഭാവനായ പഹാതബ്ബഹേതുകം ധമ്മം പടിച്ച നഹേതു നേവദസ്സനേന നഭാവനായ പഹാതബ്ബഹേതുകോ ധമ്മോ ഉപ്പജ്ജതി നഹേതുപച്ചയാ (സംഖിത്തം).

൩൦൧. നഹേതുയാ ഏകം, നആരമ്മണേ തീണി, നഅധിപതിയാ നവ, നഅനന്തരേ തീണി, നസമനന്തരേ തീണി, നഅഞ്ഞമഞ്ഞേ തീണി, നഉപനിസ്സയേ തീണി, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ ഏകം, നസമ്പയുത്തേ തീണി, നവിപ്പയുത്തേ നവ, നോനത്ഥിയാ തീണി, നോവിഗതേ തീണി (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ ഏകം (സംഖിത്തം).

(സഹജാതവാരോപി പച്ചയവാരോപി നിസ്സയവാരോപി സംസട്ഠവാരോപി സമ്പയുത്തവാരോപി പടിച്ചവാരസദിസാ വിത്ഥാരേതബ്ബാ.)