൧-൬. പടിച്ചവാരാദി

പച്ചയചതുക്കം

ഹേതുപച്ചയോ

൨൮൨. ഹേതും ദസ്സനേന പഹാതബ്ബഹേതുകം ധമ്മം പടിച്ച ഹേതു ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ… തീണി.

നഹേതും ദസ്സനേന പഹാതബ്ബഹേതുകം ധമ്മം പടിച്ച നഹേതു ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ… തീണി.

ഹേതും ദസ്സനേന പഹാതബ്ബഹേതുകഞ്ച നഹേതും ദസ്സനേന പഹാതബ്ബഹേതുകഞ്ച ധമ്മം പടിച്ച ഹേതു ദസ്സനേന പഹാതബ്ബഹേതുകോ ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൨൮൩. ഹേതുയാ നവ, ആരമ്മണേ നവ…പേ… അവിഗതേ നവ (സംഖിത്തം).

നഅധിപതിപച്ചയോ

൨൮൪. ഹേതും ദസ്സനേന പഹാതബ്ബഹേതുകം ധമ്മം പടിച്ച ഹേതു ദസ്സനേന പഹാതബ്ബഹേതുകോ ധമ്മോ ഉപ്പജ്ജതി നഅധിപതിപച്ചയാ (സംഖിത്തം).

൨൮൫. നഅധിപതിയാ നവ, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നവിപ്പയുത്തേ നവ (സംഖിത്തം).

ഹേതുപച്ചയാ നഅധിപതിയാ നവ (സംഖിത്തം).

നഅധിപതിപച്ചയാ ഹേതുയാ നവ (സംഖിത്തം).

(സഹജാതവാരോപി പച്ചയവാരോപി നിസ്സയവാരോപി സംസട്ഠവാരോപി സമ്പയുത്തവാരോപി പടിച്ചവാരസദിസാ വിത്ഥാരേതബ്ബാ.)