൧-൬. പടിച്ചവാരാദി

പച്ചയചതുക്കം

ഹേതുപച്ചയോ

൨൫൮. ഹേതും ദസ്സനേന പഹാതബ്ബം ധമ്മം പടിച്ച ഹേതു ദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ… തീണി.

നഹേതും ദസ്സനേന പഹാതബ്ബം ധമ്മം പടിച്ച നഹേതു ദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ… തീണി.

ഹേതും ദസ്സനേന പഹാതബ്ബഞ്ച നഹേതും ദസ്സനേന പഹാതബ്ബഞ്ച ധമ്മം പടിച്ച ഹേതു ദസ്സനേന പഹാതബ്ബോ ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൨൫൯. ഹേതുയാ നവ, ആരമ്മണേ നവ, അധിപതിയാ നവ…പേ… കമ്മേ നവ, ആഹാരേ നവ…പേ… അവിഗതേ നവ (സംഖിത്തം).

നഹേതു-നഅധിപതിപച്ചയാ

൨൬൦. നഹേതും ദസ്സനേന പഹാതബ്ബം ധമ്മം പടിച്ച ഹേതു ദസ്സനേന പഹാതബ്ബോ ധമ്മോ ഉപ്പജ്ജതി നഹേതുപച്ചയാ. (൧)

ഹേതും ദസ്സനേന പഹാതബ്ബം ധമ്മം പടിച്ച ഹേതു ദസ്സനേന പഹാതബ്ബോ ധമ്മോ ഉപ്പജ്ജതി നഅധിപതിപച്ചയാ… നവ.

൨൬൧. നഹേതുയാ ഏകം, നഅധിപതിയാ നവ, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നവിപ്പയുത്തേ നവ (സംഖിത്തം).

ഹേതുപച്ചയാ നഅധിപതിയാ നവ (സംഖിത്തം).

നഹേതുപച്ചയാ ആരമ്മണേ ഏകം (സംഖിത്തം).

(സഹജാതവാരോപി പച്ചയവാരോപി നിസ്സയവാരോപി സംസട്ഠവാരോപി സമ്പയുത്തവാരോപി പടിച്ചവാരസദിസാ വിത്ഥാരേതബ്ബാ.)