൭. പഞ്ഹാവാരോ

പച്ചയചതുക്കം

ഹേതുപച്ചയാദി

൨൫൪. ഹേതു ഉപേക്ഖാസഹഗതോ ധമ്മോ ഹേതുസ്സ ഉപേക്ഖാസഹഗതസ്സ ധമ്മസ്സ ഹേതുപച്ചയേന പച്ചയോ… തീണി.

ഹേതു ഉപേക്ഖാസഹഗതോ ധമ്മോ ഹേതുസ്സ ഉപേക്ഖാസഹഗതസ്സ ധമ്മസ്സ ആരമ്മണപച്ചയേന പച്ചയോ… നവ.

ഹേതു ഉപേക്ഖാസഹഗതോ ധമ്മോ ഹേതുസ്സ ഉപേക്ഖാസഹഗതസ്സ ധമ്മസ്സ അധിപതിപച്ചയേന പച്ചയോ… നവ (സംഖിത്തം).

൨൫൫. ഹേതുയാ തീണി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, ആസേവനേ നവ, കമ്മേ തീണി, വിപാകേ നവ, ആഹാരേ തീണി, ഇന്ദ്രിയേ നവ, ഝാനേ തീണി, മഗ്ഗേ നവ, സമ്പയുത്തേ നവ, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ (സംഖിത്തം).

പച്ചനീയുദ്ധാരോ

൨൫൬. ഹേതു ഉപേക്ഖാസഹഗതോ ധമ്മോ ഹേതുസ്സ ഉപേക്ഖാസഹഗതസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ (സംഖിത്തം).

൨൫൭. നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി നണിതം, ഏവം ഗണേതബ്ബം.)

ഹേതുദുകപീതിത്തികം നിട്ഠിതം.