൧-൬. പടിച്ചവാരാദി

൨൪൨. ഹേതും സുഖസഹഗതം ധമ്മം പടിച്ച ഹേതു സുഖസഹഗതോ ധമ്മോ ഉപ്പജ്ജതി ഹേതുപച്ചയാ… തീണി.

നഹേതും സുഖസഹഗതം ധമ്മം പടിച്ച നഹേതു സുഖസഹഗതോ ധമ്മോ ഉപ്പജ്ജതി ഹേതുപച്ചയാ… തീണി.

ഹേതും സുഖസഹഗതഞ്ച നഹേതും സുഖസഹഗതഞ്ച ധമ്മം പടിച്ച ഹേതു സുഖസഹഗതോ ധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൨൪൩. ഹേതുയാ നവ, ആരമ്മണേ നവ, അധിപതിയാ നവ…പേ… അവിഗതേ നവ (സംഖിത്തം).

൨൪൪. നഹേതും സുഖസഹഗതം ധമ്മം പടിച്ച നഹേതു സുഖസഹഗതോ ധമ്മോ ഉപ്പജ്ജതി നഹേതുപച്ചയാ.

ഹേതും സുഖസഹഗതം ധമ്മം പടിച്ച ഹേതു സുഖസഹഗതോ ധമ്മോ ഉപ്പജ്ജതി നഅധിപതിപച്ചയാ… നവ (സംഖിത്തം).

൨൪൫. നഹേതുയാ ഏകം, നഅധിപതിയാ നവ, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നഝാനേ ഏകം, നമഗ്ഗേ ഏകം, നവിപ്പയുത്തേ നവ (സംഖിത്തം).

ഹേതുപച്ചയാ നഅധിപതിയാ നവ (സംഖിത്തം).

നഹേതുപച്ചയാ ആരമ്മണേ ഏകം (സംഖിത്തം).

(സഹജാതവാരോപി പച്ചയവാരോപി നിസ്സയവാരോപി സംസട്ഠവാരോപി സമ്പയുത്തവാരോപി പടിച്ചവാരസദിസാ വിത്ഥാരേതബ്ബാ.)