൭. പഞ്ഹാവാരോ

പച്ചയചതുക്കം

ഹേതുപച്ചയോ

൩൪. ഹേതു അകുസലോ ധമ്മോ ഹേതുസ്സ അകുസലസ്സ ധമ്മസ്സ ഹേതുപച്ചയേന പച്ചയോ. ഹേതു അകുസലോ ധമ്മോ നഹേതുസ്സ അകുസലസ്സ ധമ്മസ്സ ഹേതുപച്ചയേന പച്ചയോ. ഹേതു അകുസലോ ധമ്മോ ഹേതുസ്സ അകുസലസ്സ ച നഹേതുസ്സ അകുസലസ്സ ച ധമ്മസ്സ ഹേതുപച്ചയേന പച്ചയോ. (൩)

ആരമ്മണപച്ചയാദി

൩൫. ഹേതു അകുസലോ ധമ്മോ ഹേതുസ്സ അകുസലസ്സ ധമ്മസ്സ ആരമ്മണപച്ചയേന പച്ചയോ… തീണി.

നഹേതു അകുസലോ ധമ്മോ നഹേതുസ്സ അകുസലസ്സ ധമ്മസ്സ ആരമ്മണപച്ചയേന പച്ചയോ… തീണി.

ഹേതു അകുസലോ ച നഹേതു അകുസലോ ച ധമ്മാ ഹേതുസ്സ അകുസലസ്സ ധമ്മസ്സ ആരമ്മണപച്ചയേന പച്ചയോ… തീണി.

൩൬. ഹേതു അകുസലോ ധമ്മോ ഹേതുസ്സ അകുസലസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി… തീണി.

നഹേതു അകുസലോ ധമ്മോ നഹേതുസ്സ അകുസലസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി… തീണി.

ഹേതു അകുസലോ ച നഹേതു അകുസലോ ച ധമ്മാ ഹേതുസ്സ അകുസലസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി… തീണി…പേ….

൩൭. നഹേതു അകുസലോ ധമ്മോ നഹേതുസ്സ അകുസലസ്സ ധമ്മസ്സ കമ്മപച്ചയേന പച്ചയോ. നഹേതു അകുസലോ ധമ്മോ ഹേതുസ്സ അകുസലസ്സ ധമ്മസ്സ കമ്മപച്ചയേന പച്ചയോ. നഹേതു അകുസലോ ധമ്മോ ഹേതുസ്സ അകുസലസ്സ ച നഹേതുസ്സ അകുസലസ്സ ച ധമ്മസ്സ കമ്മപച്ചയേന പച്ചയോ. (൩)

ആഹാരപച്ചയാദി

൩൮. നഹേതു അകുസലോ ധമ്മോ നഹേതുസ്സ അകുസലസ്സ ധമ്മസ്സ ആഹാരപച്ചയേന പച്ചയോ… തീണി.

൩൯. നഹേതു അകുസലോ ധമ്മോ നഹേതുസ്സ അകുസലസ്സ ധമ്മസ്സ ഇന്ദ്രിയപച്ചയേന പച്ചയോ… തീണി.

൪൦. നഹേതു അകുസലോ ധമ്മോ നഹേതുസ്സ അകുസലസ്സ ധമ്മസ്സ ഝാനപച്ചയേന പച്ചയോ… തീണി (സംഖിത്തം).

൪൧. ഹേതുയാ തീണി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, ആസേവനേ നവ, കമ്മേ തീണി, ആഹാരേ തീണി, ഇന്ദ്രിയേ തീണി, ഝാനേ തീണി, മഗ്ഗേ തീണി, സമ്പയുത്തേ നവ, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ.

പച്ചനീയുദ്ധാരോ

൪൨. ഹേതു അകുസലോ ധമ്മോ ഹേതുസ്സ അകുസലസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ (സംഖിത്തം).

൪൩. നഹേതുയാ നവ, നആരമ്മണേ നവ, നഅധിപതിയാ നവ, നഅനന്തരേ നവ, നസമനന്തരേ നവ, നസഹജാതേ നവ, നഅഞ്ഞമഞ്ഞേ നവ…പേ… നോഅവിഗതേ നവ (പച്ചനീയം).

ഹേതുപച്ചയാ നആരമ്മണേ തീണി (സംഖിത്തം, അനുലോമപച്ചനീയം).

നഹേതുപച്ചയാ ആരമ്മണേ നവ (സംഖിത്തം, പച്ചനീയാനുലോമം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)