൧-൬. പടിച്ചവാരാദി

പച്ചയചതുക്കം

ഹേതുപച്ചയോ

൨൦൨. ഹേതും അസംകിലിട്ഠഅസംകിലേസികം ധമ്മം പടിച്ച ഹേതു അസംകിലിട്ഠഅസംകിലേസികോ ധമ്മോ ഉപ്പജ്ജതി ഹേതുപച്ചയാ (സംഖിത്തം).

൨൦൩. ഹേതുയാ നവ, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, പുരേജാതേ നവ, ആസേവനേ നവ, കമ്മേ നവ, വിപാകേ നവ, ആഹാരേ നവ, ഇന്ദ്രിയേ നവ, ഝാനേ നവ, മഗ്ഗേ നവ, സമ്പയുത്തേ നവ, വിപ്പയുത്തേ നവ, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ.

നഅധിപതിപച്ചയോ

൨൦൪. ഹേതും അസംകിലിട്ഠഅസംകിലേസികം ധമ്മം പടിച്ച ഹേതു അസംകിലിട്ഠഅസംകിലേസികോ ധമ്മോ ഉപ്പജ്ജതി നഅധിപതിപച്ചയാ. ഹേതും അസംകിലിട്ഠഅസംകിലേസികം ധമ്മം പടിച്ച നഹേതു അസംകിലിട്ഠഅസംകിലേസികോ ധമ്മോ ഉപ്പജ്ജതി നഅധിപതിപച്ചയാ. (൨)

നഹേതും അസംകിലിട്ഠഅസംകിലേസികം ധമ്മം പടിച്ച നഹേതു അസംകിലിട്ഠഅസംകിലേസികോ ധമ്മോ ഉപ്പജ്ജതി നഅധിപതിപച്ചയാ. നഹേതും അസംകിലിട്ഠഅസംകിലേസികം ധമ്മം പടിച്ച ഹേതു അസംകിലിട്ഠഅസംകിലേസികോ ധമ്മോ ഉപ്പജ്ജതി നഅധിപതിപച്ചയാ. (൨) (സംഖിത്തം.)

൨൦൫. നഅധിപതിയാ ഛ, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നവിപ്പയുത്തേ നവ (സംഖിത്തം).

ഹേതുപച്ചയാ നഅധിപതിയാ ഛ (സംഖിത്തം).

നഅധിപതിപച്ചയാ ഹേതുയാ ഛ (സംഖിത്തം).

(സഹജാതവാരോപി പച്ചയവാരോപി നിസ്സയവാരോപി സംസട്ഠവാരോപി സമ്പയുത്തവാരോപി പടിച്ചവാരസദിസാ വിത്ഥാരേതബ്ബാ.)