൭. പഞ്ഹാവാരോ

പച്ചയചതുക്കം

ഹേതുപച്ചയാദി

൧൯൦. ഹേതു സംകിലിട്ഠസംകിലേസികോ ധമ്മോ ഹേതുസ്സ സംകിലിട്ഠസംകിലേസികസ്സ ധമ്മസ്സ ഹേതുപച്ചയേന പച്ചയോ… തീണി.

ഹേതു സംകിലിട്ഠസംകിലേസികോ ധമ്മോ ഹേതുസ്സ സംകിലിട്ഠസംകിലേസികസ്സ ധമ്മസ്സ ആരമ്മണപച്ചയേന പച്ചയോ… നവ.

ഹേതു സംകിലിട്ഠസംകിലേസികോ ധമ്മോ ഹേതുസ്സ സംകിലിട്ഠസംകിലേസികസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി… നവ (സംഖിത്തം).

൧൯൧. ഹേതുയാ തീണി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, ആസേവനേ നവ, കമ്മേ തീണി, ആഹാരേ തീണി, ഇന്ദ്രിയേ തീണി, ഝാനേ തീണി, മഗ്ഗേ തീണി, സമ്പയുത്തേ നവ, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ (സംഖിത്തം).

പച്ചനീയുദ്ധാരോ

൧൯൨. ഹേതു സംകിലിട്ഠസംകിലേസികോ ധമ്മോ ഹേതുസ്സ സംകിലിട്ഠസംകിലേസികസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ (സംഖിത്തം).

൧൯൩. നഹേതുയാ നവ, നആരമ്മണേ നവ (സംഖിത്തം).

ഹേതുപച്ചയാ നആരമ്മണേ തീണി (സംഖിത്തം).

നഹേതുപച്ചയാ ആരമ്മണേ നവ (സംഖിത്തം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)