൭. പഞ്ഹാവാരോ

പച്ചയചതുക്കം

ഹേതുപച്ചയോ

൧൨. ഹേതു കുസലോ ധമ്മോ ഹേതുസ്സ കുസലസ്സ ധമ്മസ്സ ഹേതുപച്ചയേന പച്ചയോ. ഹേതു കുസലോ ധമ്മോ നഹേതുസ്സ കുസലസ്സ ധമ്മസ്സ ഹേതുപച്ചയേന പച്ചയോ. ഹേതു കുസലോ ധമ്മോ ഹേതുസ്സ കുസലസ്സ ച നഹേതുസ്സ കുസലസ്സ ച ധമ്മസ്സ ഹേതുപച്ചയേന പച്ചയോ. (൩)

ആരമ്മണപച്ചയാദി

൧൩. ഹേതു കുസലോ ധമ്മോ ഹേതുസ്സ കുസലസ്സ ധമ്മസ്സ ആരമ്മണപച്ചയേന പച്ചയോ… തീണി.

നഹേതു കുസലോ ധമ്മോ നഹേതുസ്സ കുസലസ്സ ധമ്മസ്സ ആരമ്മണപച്ചയേന പച്ചയോ… തീണി.

ഹേതു കുസലോ ച നഹേതു കുസലോ ച ധമ്മാ ഹേതുസ്സ കുസലസ്സ ധമ്മസ്സ ആരമ്മണപച്ചയേന പച്ചയോ… തീണി.

൧൪. ഹേതു കുസലോ ധമ്മോ ഹേതുസ്സ കുസലസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി… തീണി.

നഹേതു കുസലോ ധമ്മോ നഹേതുസ്സ കുസലസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി, സഹജാതാധിപതി… തീണി.

ഹേതു കുസലോ ച നഹേതു കുസലോ ച ധമ്മാ ഹേതുസ്സ കുസലസ്സ ധമ്മസ്സ അധിപതിപച്ചയേന പച്ചയോ – ആരമ്മണാധിപതി… തീണി.

അനന്തരപച്ചയാദി

൧൫. ഹേതു കുസലോ ധമ്മോ ഹേതുസ്സ കുസലസ്സ ധമ്മസ്സ അനന്തരപച്ചയേന പച്ചയോ… സമനന്തരപച്ചയേന പച്ചയോ… സഹജാതപച്ചയേന പച്ചയോ… അഞ്ഞമഞ്ഞപച്ചയേന പച്ചയോ… നിസ്സയപച്ചയേന പച്ചയോ.

൧൬. ഹേതു കുസലോ ധമ്മോ ഹേതുസ്സ കുസലസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ… തീണി.

നഹേതു കുസലോ ധമ്മോ നഹേതുസ്സ കുസലസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ… തീണി.

ഹേതു കുസലോ ച നഹേതു കുസലോ ച ധമ്മാ ഹേതുസ്സ കുസലസ്സ ധമ്മസ്സ ഉപനിസ്സയപച്ചയേന പച്ചയോ – ആരമ്മണൂപനിസ്സയോ, അനന്തരൂപനിസ്സയോ, പകതൂപനിസ്സയോ… തീണി, ആസേവനപച്ചയേന പച്ചയോ… നവ.

൧൭. നഹേതു കുസലോ ധമ്മോ നഹേതുസ്സ കുസലസ്സ ധമ്മസ്സ കമ്മപച്ചയേന പച്ചയോ. നഹേതു കുസലോ ധമ്മോ ഹേതുസ്സ കുസലസ്സ ധമ്മസ്സ കമ്മപച്ചയേന പച്ചയോ. നഹേതു കുസലോ ധമ്മോ ഹേതുസ്സ കുസലസ്സ ച നഹേതുസ്സ കുസലസ്സ ച ധമ്മസ്സ കമ്മപച്ചയേന പച്ചയോ. (൩)

ആഹാരപച്ചയാദി

൧൮. നഹേതു കുസലോ ധമ്മോ നഹേതുസ്സ കുസലസ്സ ധമ്മസ്സ ആഹാരപച്ചയേന പച്ചയോ… തീണി.

൧൯. ഹേതു കുസലോ ധമ്മോ ഹേതുസ്സ കുസലസ്സ ധമ്മസ്സ ഇന്ദ്രിയപച്ചയേന പച്ചയോ… നവ.

൨൦. നഹേതു കുസലോ ധമ്മോ നഹേതുസ്സ കുസലസ്സ ധമ്മസ്സ ഝാനപച്ചയേന പച്ചയോ… തീണി.

൨൧. ഹേതു കുസലോ ധമ്മോ ഹേതുസ്സ കുസലസ്സ ധമ്മസ്സ മഗ്ഗപച്ചയേന പച്ചയോ… നവ.

൨൨. ഹേതുയാ തീണി, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, ആസേവനേ നവ, കമ്മേ തീണി, ആഹാരേ തീണി, ഇന്ദ്രിയേ നവ, ഝാനേ തീണി, മഗ്ഗേ നവ, സമ്പയുത്തേ നവ, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ.

പച്ചനീയുദ്ധാരോ

൨൩. ഹേതു കുസലോ ധമ്മോ ഹേതുസ്സ കുസലസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… തീണി.

൨൪. നഹേതു കുസലോ ധമ്മോ നഹേതുസ്സ കുസലസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. നഹേതു കുസലോ ധമ്മോ ഹേതുസ്സ കുസലസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. നഹേതു കുസലോ ധമ്മോ ഹേതുസ്സ കുസലസ്സ ച നഹേതുസ്സ കുസലസ്സ ച ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ. (൩)

൨൫. ഹേതു കുസലോ ച നഹേതു കുസലോ ച ധമ്മാ ഹേതുസ്സ കുസലസ്സ ധമ്മസ്സ ആരമ്മണപച്ചയേന പച്ചയോ… സഹജാതപച്ചയേന പച്ചയോ… ഉപനിസ്സയപച്ചയേന പച്ചയോ… തീണി. (൩)

൨൬. നഹേതുയാ നവ, നആരമ്മണേ നവ, നഅധിപതിയാ നവ…പേ… നോഅവിഗതേ നവ (സംഖിത്തം, പച്ചനീയം).

ഹേതുപച്ചയാ നആരമ്മണേ തീണി…പേ… നോനത്ഥിയാ തീണി, നോവിഗതേ തീണി (സംഖിത്തം, അനുലോമപച്ചനീയം).

നഹേതുപച്ചയാ ആരമ്മണേ നവ…പേ… അവിഗതേ നവ (സംഖിത്തം, പച്ചനീയാനുലോമം).

(യഥാ കുസലത്തികേ പഞ്ഹാവാരസ്സ അനുലോമമ്പി പച്ചനീയമ്പി അനുലോമപച്ചനീയമ്പി പച്ചനീയാനുലോമമ്പി ഗണിതം, ഏവം ഗണേതബ്ബം.)