൧-൬. പടിച്ചവാരാദി

പച്ചയചതുക്കം

ഹേതുപച്ചയോ

൧൩൬. ഹേതും നേവവിപാകനവിപാകധമ്മധമ്മം പടിച്ച ഹേതു നേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ… തീണി.

നഹേതും നേവവിപാകനവിപാകധമ്മധമ്മം പടിച്ച നഹേതു നേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ… തീണി.

ഹേതും നേവവിപാകനവിപാകധമ്മധമ്മഞ്ച നഹേതും നേവവിപാകനവിപാകധമ്മധമ്മഞ്ച പടിച്ച ഹേതു നേവവിപാകനവിപാകധമ്മധമ്മോ ഉപ്പജ്ജതി ഹേതുപച്ചയാ… തീണി (സംഖിത്തം).

൧൩൭. ഹേതുയാ നവ, ആരമ്മണേ നവ, അധിപതിയാ നവ, അനന്തരേ നവ, സമനന്തരേ നവ, സഹജാതേ നവ, അഞ്ഞമഞ്ഞേ നവ, നിസ്സയേ നവ, ഉപനിസ്സയേ നവ, പുരേജാതേ നവ, ആസേവനേ നവ, കമ്മേ നവ, വിപാകേ ഏകം, ആഹാരേ നവ, ഇന്ദ്രിയേ നവ, ഝാനേ നവ, മഗ്ഗേ നവ, സമ്പയുത്തേ നവ, വിപ്പയുത്തേ നവ, അത്ഥിയാ നവ, നത്ഥിയാ നവ, വിഗതേ നവ, അവിഗതേ നവ.

നഹേതുപച്ചയാദി

൧൩൮. നഹേതും നേവവിപാകനവിപാകധമ്മധമ്മം പടിച്ച നഹേതു നേവവിപാകനവിപാകധമ്മധമ്മോ ഉപ്പജ്ജതി നഹേതുപച്ചയാ. (൧)

൧൩൯. ഹേതും നേവവിപാകനവിപാകധമ്മധമ്മം പടിച്ച നഹേതു നേവവിപാകനവിപാകധമ്മധമ്മോ ഉപ്പജ്ജതി നആരമ്മണപച്ചയാ. (൧)

നഹേതും നേവവിപാകനവിപാകധമ്മധമ്മം പടിച്ച നഹേതു നേവവിപാകനവിപാകധമ്മധമ്മോ ഉപ്പജ്ജതി നആരമ്മണപച്ചയാ. (൧)

ഹേതും നേവവിപാകനവിപാകധമ്മധമ്മഞ്ച നഹേതും നേവവിപാകനവിപാകധമ്മധമ്മഞ്ച പടിച്ച നഹേതു നേവവിപാകനവിപാകധമ്മധമ്മോ ഉപ്പജ്ജതി നആരമ്മണപച്ചയാ. (൧)

൧൪൦. ഹേതും നേവവിപാകനവിപാകധമ്മധമ്മം പടിച്ച ഹേതു നേവവിപാകനവിപാകധമ്മധമ്മോ ഉപ്പജ്ജതി നഅധിപതിപച്ചയാ… നവ…പേ….

൧൪൧. ഹേതും നേവവിപാകനവിപാകധമ്മധമ്മം പടിച്ച നഹേതു നേവവിപാകനവിപാകധമ്മധമ്മോ ഉപ്പജ്ജതി നകമ്മപച്ചയാ… തീണി…പേ….

൧൪൨. നഹേതും നേവവിപാകനവിപാകധമ്മധമ്മം പടിച്ച നഹേതു നേവവിപാകനവിപാകധമ്മധമ്മോ ഉപ്പജ്ജതി നആഹാരപച്ചയാ. (൧) (സംഖിത്തം.)

൧൪൩. നഹേതുയാ ഏകം, നആരമ്മണേ തീണി, നഅധിപതിയാ നവ, നഅനന്തരേ തീണി, നസമനന്തരേ തീണി, നഅഞ്ഞമഞ്ഞേ തീണി, നഉപനിസ്സയേ തീണി, നപുരേജാതേ നവ, നപച്ഛാജാതേ നവ, നആസേവനേ നവ, നകമ്മേ തീണി, നവിപാകേ നവ, നആഹാരേ ഏകം, നഇന്ദ്രിയേ ഏകം, നഝാനേ ഏകം, നമഗ്ഗേ ഏകം, നസമ്പയുത്തേ തീണി, നവിപ്പയുത്തേ നവ, നോനത്ഥിയാ തീണി, നോവിഗതേ തീണി (സംഖിത്തം, പച്ചനീയം).

ഹേതുപച്ചയാ നആരമ്മണേ തീണി (സംഖിത്തം, അനുലോമപച്ചനീയം).

നഹേതുപച്ചയാ ആരമ്മണേ ഏകം (സംഖിത്തം, പച്ചനീയാനുലോമം).

(സഹജാതവാരോപി പച്ചയവാരോപി നിസ്സയവാരോപി സംസട്ഠവാരോപി സമ്പയുത്തവാരോപി പടിച്ചവാരസദിസാ വിത്ഥാരേതബ്ബാ.)